Lajme

Osmani në takim me ndërkombëtarët: Bandat kriminale të mbështetura nga Vuçiq duan destabilizim

Autori: Gazeta inFokus 11:14 | 30 May 2023

Presidentja Vjosa Osmani, është takuar të martën me zëvendëssekretarin e Përgjithshëm për Paqe, Siguri dhe Mbrojtje në Shërbimin Evropian të Shërbimit të Jashtëm, Charles Fries, Shefin e Zyrës së BE-së në Kosovë, Tomas Szunyog dhe shefin e EULEX-it, Lars-Gunnar Ëigemark.

Ata diskutuan për situatën në veri, ndërsa Zyra e Presidencës njoftoi se nga ky takim, Osmani i ka dënuar sulmet e strukturave ilegale në veri kundër Policisë, KFOR-it dhe gazetarëve.

Në komunikatën e Presidencës u tha se Osmani i ka quajtur këto grupe banda kriminale, që qëllim kanë destabilizimin e Kosovës dhe tërë rajonit. Bandat, sipas presidentes, janë të nxitura nga presidenti serb, Aleksandar Vuçiq.

“Presidentja Osmani dhe Zëvendës Sekretari Fries diskutuan edhe për zhvillimet e fundit në veri të Republikës së Kosovës. Presidentja ka përsëritur dënimin e fuqishëm për sulmet e strukturave ilegale serbe të shndërruara në banda kriminale kundër policisë së Kosovës, KFOR-it dhe gazetarëve. Presidentja Osmani ka potencuar se këto banda kriminale, të mbështetura nga Vuçiqi, kanë për qëllim destabilizimin e Kosovës dhe të gjithë rajonit, prandaj veprimet e tyre të rrezikshme duhet të dënohen nga të gjithë”, thuhet në komunikatë.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
KEDS zë për një javë afër 200 konsumatorë duke e keqpërdorur energjinë elektrike

Të tjera

Fokusi

lajme