Lajme

Osmani: Maqedonia e Veriut asnjëherë nuk do t’i vendosë viza Kosovës

Autori: Gazeta inFokus 13:41 | 07 December 2022

Ministri për Punë të Jashtme i Republikës së Maqedonisë së Veriut, Bujar Osmani, foli në lidhje me gabimin e Komisionit Evropian, që ka kërkuar që Maqedonia e Veriut të vendosë regjim vizash për Kosovën.

Osmani tha se ky gabim i KE-së është përmirësuar, ndërsa shtoi se RMV asnjë herë nuk do t’i vendosë viza Kosovës.

Ai gjithashtu theksoi se po tentohet që të zbatohet “one stop shop” nëpër pikat kufitare me Kosovën, që mos të krijohen kolona të gjata dhe qytetarët të qarkullojnë lirshëm, shkruan Alsat M.

-Advertisement-

“Është gabim i Komisionit Evropian. Vendosja e Kosovës në listën e vendeve me të cilat duhet të kemi regjim vizash është lëshim i cili është rishikuar nga ana e Komisionit Evropian, asnjëherë nuk ka kaluar nëpër institucionet e KE-së sepse do të rishikohet sepse është kontradiktore me politikat e BE-së. Ne në kuadër të Procesit të Berlinit vetëm se nënshkruam marrëveshje për qarkullim mes 6 vendeve anëtare vetëm me letërnjoftim në rajon, kështu që trendi është i kundërti me vendosjen e vizave”, tha mes tjerash Osmani.

Subscribe në YouTube: GAZETA INFOKUSI
FREE FRIDAY ME ZBRITJE DERI 70%
-Advertisement-

Të tjera

Fokusi

lajme