Lajme

Osmani, Kurti e Konjufca udhëtojnë jashtë vendit

Autori: Gazeta inFokus 11:37 | 10 December 2023

Edhe pse kanë kaluar disa muaj nga sulmi terrorist në Banjskë, situata e sigurisë në Kosovë po cilësohet e brishtë.

Gjendja në terren ka bërë që NATO ta përforëcon praninë e saj në veri të vendit, duke dërguar trupa shtesë.

E pikërisht në këtë kohë, tre liderët shtetëror, presidentja, kryeministri dhe kryeparlamentari gjenden jashtë vendit. Një gjë e tillë ndalohet me Ligjin për Proktokollin e Shtetit.

-Advertisement-

Kjo nuk i ka ndaluar liderët shtetëror që t’i vazhdojnë vizitat e tyre të planifikuara në vend të ndryshme të botës.

Presidentja e vendit, Vjosa Osmani, ka udhëtuar për vizitë zyrtare në Doha të Katarit.

Bëhet e ditur se Osmani të dielën (sot) do të marrë pjesë në Forumin e Dohas, që do të mbahet më 10 dhe 11 dhjetor.

Jashtë vendit po qëndron edhe kryeministri Albin Kurti. Ai po qëndron në Berlin të Gjermanisë ku po merr pjesë në kongresin e Partisë Socialdemokrate të Gjermanisë (SPD). Gjatë kësaj vizite, Kurti ka takuar edhe kancelarin gjerman Olaf Scholz.

‘Pa Zot shtëpie’ vendin e ka lënë edhe kryetari i Kuvendit, Glauk Konjufca. Ai që disa ditë po zhvillon vizita të ndryshme në Amerikë.

Kjo nuk është hera e parë që Osmani, Kurti dhe Konjufca udhëtojnë jashtë vendit në të njejtën kohë. Pak muaj me parë tre liderët ndodhëshin jashtë vendit në të njejtën kohë.

Një gjë e tillë ndalohet me Ligjin për Proktokollin e Shtetit, por kjo nuk po respektohet nga liderët shteteror.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera

Fokusi

lajme