Lajme

Osmani, Kurti e Konjufca në takim me ambasadorët e QUINT-it për të diskutuar rreth anëtarësimit të Kosovës në KiE

Autori: Gazeta inFokus 18:36 | 03 April 2024

Presidentja e Kosovës, Vjosa Osmani, kryeministri Albin Kurti dhe kryeparlamentari Glauk Konjuca, janë takuar me ambasadorët e shteteve të QUINT-it për të folur rreth anëtarësimit të Kosovës në Këshillin e Evropës.

“Takimi i Presidentes Osmani, Kryetarit Konjufca dhe Kryeministrit Kurti bashkë me ambasadorët e shteteve të Quint-it lidhur me anëtarësimin e Kosovës në Këshillin e Evropës”, ka njoftuar Presidenca.

-Advertisement-

Më 27 mars 2024, Komiteti për Politikë dhe Demokraci i Këshillit të Evropës ka miratuar raportin për Kosovën, ku rekomandohet që shteti ka përmbushur kushtet për t’u bërë anëtar i plotë i Këshillit të Evropës. Hapi i radhës do të jetë më 16 prill, kur do të hidhet në votim ky raport para Asamblesë Parlamentare në përbërjen e saj të plotë.

Më pas, gjatë muajit maj, trajtohet nga Komiteti i Ministrave, dhe Kosova pret që raporti të miratohet me 2/3 e ministrave të Punëve të Jashtme.

Gazeta Online Reporteri.net, dje ka zhvilluar një bisedë me zëvendësministrin për Punë të Jashtme dhe Diasporë, Kreshnik Ahmeti, i cili ka folur për pritjet e Kosovës në anëtarësimin në KiE.

Më poshtë mund ta lexoni intervistën e plotë.

Subscribe në YouTube: GAZETA INFOKUSI