Lajme

Osmani: Kosova shquhet si shembull i demokracisë, aleatët dhe miqtë tanë kanë qenë burim shprese

Autori: Gazeta inFokus 18:43 | 17 February 2023

Në nderim të 15-vjetorit të Pavarësisë së Kosovës, presidentja Osmani organizon pritje shtetërore për korin diplomatik, si dhe për personalitete të shumta të vendit dhe për personalitete të shumta të vendeve mike.Me këtë rast, presidentja Osmani, duke falënderuar për mbështetjen e miqve tanë strategjik, të cilët kanë qëndruar në mbështetje, para dhe gjatë luftës, si dhe në ndërtimin dhe konsolidimin e vendit, theksoi se për të arritur deri te kjo ditë u bë e mundur vetëm me sakrifica të mëdha.

“Nga ju dhe përmes jush ne kemi mësuar se ne nuk jemi vetëm’, deklaroi kryetarja e vendit, Vjosa Osmani-Sadriu.

Ajo më tej shtoi se, ndonëse jemi të ndarë në taborre të ndryshme, sot jemi të përbashkuar për ta nderuar Republikën e pavarur e sovrane të Kosovës, e cila sot shquhet nՃ rajoin e më tej, si shembull i demokracisë.

-Advertisement-

Para diplomatëve të shumtë dhe përfaqësuesve të tjerë politikë, e para e shtetit tha se aleatët dhe miqtë kanë qenë burim shprese dhe inkurajimi për Kosovën.“Aleatët dhe miqtë tanë kanë qenë burim shprese dhe inkurajimi duke na ofruar mbështetje të vazhdueshme dhe ndihmë mëse të nevojshme. Jeni ju të dashur miqë, partneritetet, miqësitë dhe aleancat tona që na keni mundësuar të qëndrojmë të fortë dhe krenar edhe përballë fatkeqësive. Nga ju dhe përmes jush, ne kemi mundësuar se ne nuk jemi vetëm. Të dashur miqë me një ambient, me një pjesëmarrje të tillë, natyrisht do të hasim edhe në dallime mes nesh, por ka një gjë që na bashkon, sonte jemi të përbashkuar për të nderuar republikën e pavarur dhe sovrane të Kosovës, e cila shquhet në rajon dhe përtej si shembull i demokracisë”, tha ajo.

Osmani shtoi se shtet-ndërtimi dhe demokracia janë projekte që duhet punuar vazhdimisht.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë

Të tjera

Fokusi

lajme