Lajme

Osmani i reagon BE-së: Përfshirja e Urës së Ibrit në dialog, shkelje e rëndë e sovranitetit të Kosovës

Autori: Gazeta inFokus 19:12 | 01 August 2024

Presidentja e Republikës së Kosovës, Vjosa Osmani, ka reaguar pas deklaratës së Bashkimit Evropian lidhur me futjen e temës së hapjes së urës së lumit Ibër në procesin e dialogut të normalizimit të marrëdhënieve mes Kosovës e Serbisë.

Osmani e ka quajtur shkelje të rëndë të sovranitetit, integritetit territorial dhe e kushtetutshmërisë në Kosovë një proces të tillë.

Sipas Osmanit, Vuçiqi nuk duhet të pyetet se kur duhet të hapet për qarkullim një urë që ndodhet në Republikën e Kosovës.

-Advertisement-

“Çështja e urës nuk duhet asesi të bëhet temë e dialogut me Serbinë. Një gjë e tillë do të ishte shkelje e rëndë e sovranitetit, integritetit territorial dhe e kushtetutshmërisë në vendin tonë. Vuqiçi nuk ka çka pyetet se kur do të hapen urat për qarkullim në Republikën e Kosovës. Dialogu i vetëm që duhet të bëhet, është ai brenda Kosovës, në mes të institucioneve tona dhe partnerëve tanë të sigurisë (veçanërisht me NATO-n) në mënyrë që të ndërtohet plani i përbashkët i zbatimit për hapjen e urës për çdo qarkullim, që ka parasysh vlerësimet e sigurisë dhe interesat e qytetarëve tanë”, thuhet në reagimin e Osmanit në Facebook.

Subscribe në YouTube: GAZETA INFOKUSI
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…
-Advertisement-

Të tjera

Fokusi

lajme