Lajme

Osmani e mbështet Qeverinë Kurti për shpronësimet në veri: S’kam parë diskriminim etnik

Autori: Gazeta inFokus 12:38 | 07 June 2024

Presidentja e Kosovës, Vjosa Osmani, është deklaruar në lidhje me shpronësime në veri të Kosovës, për të cilat u kritikua ashpër Qeveria e Kosovës nga ana e ambasadorëve të QUINT-it.

Në një fjalë rasti në Drenas, ku po qëndronte për një vizitë, Osmani ka theksuar se e përkrah vendimin për shpronësimet, përderisa ato janë në përputhje me Kushtetutën dhe me rregullat ndërkombëtare.

Shefja e shtetit theksoi se është në interes të sigurisë kombëtare që të mbrohet veriu i Kosovës nga sulmet e Serbisë.

-Advertisement-

“Është në interes nacional për shkak të sigurisë kombëtare të Republikës së Kosovës. Ju e dini që është jashtëzakonisht e rëndësishme dhe e domosdoshme për sigurinë e gjithë neve, pavarësisht ku jetojmë brenda Kosovës, që veriu i Kosovës të mbrohet nga sulmet e Serbisë dhe në mënyrë që Kosova të mbrohet, ne kemi nevojë për prezencë të institucioneve tona të sigurisë, të cilat e kanë mbrojtur heroikisht dhe me sukses deri sot çdo cep të vendit tonë. Prandaj, përderisa shpronësimet janë në përputhje të plotë me ligjet e aplikueshme, me Kushtetutën e Kosovës dhe pesë hapat që janë standard për Gjykatën Evropiane për të Drejtat e Njeriut, si presidente e Republikës e përkrah çdo veprim që është në interes të sigurisë nacionale dhe në interes të të gjithë qytetarëve pa dallim” – tha ajo.

Tutje, Osmani ka vlerësuar se nuk ka parë diskriminim mbi baza etnike gjatë shpronësimeve në veri.

“Ku shpejgohen këto çështje në detaje nga institucionet tona te partnerët tanë dhe në mënyrë që të sigurohen që të gjithë, që e tëra që Kosova ka bërë është ka respektuar një standard të Gjykatës Evropiane, të cilin e respektojnë të gjitha vendet anëtare të Këshillit të Evropës…Unë nuk shoh në asnjë moment ndonjë tendencë për diskriminim mbi baza etnike, por thjeshtë respektim të standardeve që i ka paraparë edhe Kushtetuta e jonë edhe Gjykata Evropiane për të Drejtat e Njeriut” – ka theksuar Osmani.

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

lajme