Osmani do të nderohet me çmim në Gjermani: Përkundër kërcënimeve e pengesave, është e palëkundur në kursin pro-europian
![](https://gazetainfokus.com/wp-content/uploads/2024/08/Vjosa-Os-600x360-1.png)
Autori: Gazeta inFokus
13:27 | 21 August 2024
Osmani do të nderohet me çmim në Gjermani: Përkundër kërcënimeve e pengesave, është e palëkundur në kursin pro-europian
M100 Sanssouci Colloquium, një platformë gjermane me bazë në Potsdam do t’i nderojë me çmime presidenten e Kosovës Vjosa Osmani dhe kryeministrin e Polonisë Donald Tusk.
Ngjarja zhvillohet më 12 shtator në Orangery of Sanssouci Park në Potsdam, ku fjalën kryesore do ta mbajë kancelari gjerman, Olaf Scholz.
“M100 Media Award” ka traditë në nderimin e personaliteteve që kanë lënë gjurmë në Europë dhe në botë. Çmimi, siç thuhet në web-faqen e kësaj platforme, pasqyron kontributin e tyre në ruajtjen e lirisë së shprehjes dhe thellimin e demokracisë, si dhe arritjet e tyre të jashtëzakonshme në promovimin e mirëkuptimit dhe komunikimit europian.
Ceremonia e ndarjes së çmimeve do të drejtohet nga gazetarja dhe prezantuesja televizive Astrid Frohloff.
“Dr. Vjosa Osmani-Sadriu u zgjodh Presidente e Republikës së Kosovës në prill të vitit 2021. Që nga fillimi i karrierës së saj politike, Osmani-Sadriu pa u lodhur ka avokuar për reforma, forcimin e demokracisë, kursin pro-europian, luftën kundër korrupsionit. si dhe barazinë dhe të drejtat e grave në vendin e saj dhe më gjerë. Presidentja Osmani është e përkushtuar për demokracinë dhe sundimin e ligjit, si dhe për integrimin e Republikës së Kosovës në strukturat euroatlantike. Përkundër të gjitha kërcënimeve dhe pengesave, presidentja Osmani është e palëkundur në dërgimin e një sinjali të fortë pro-europian se demokracia dhe liria duhet të mbrohen si arritje thelbësore. Në vitin 2024, Presidentes Osmani iu dha Çmimi Europian nga Coudenhove-Kalergi Society për përpjekjet e saj të vazhdueshme në promovimin dhe mbrojtjen e vlerave euroatlantike”, thuhet në njoftimin e M100 Sanssouci Colloquium.
“Donald Tusk ka qenë kryeministër polak që nga viti 2023. Përmes një fushate imponuese që theksonte unitetin mbi ndarjen, partia e tij pro-europiane Platforma Obywatelska e ktheu vendin me sukses drejt një demokracie funksionale me një shtyp të lirë, pasi ishte qeverisur pothuajse në mënyrë autokratike nga partia PIS nga viti 2015 deri në 2023. Duke vepruar kështu, ai qëndron si një figurë e rrallë politike që përfaqëson suksesin e procesit të bashkimit dhe zgjerimit europian, arritjet e Polonisë gjatë dy dekadave të fundit, rivendosjen e shtetit të së drejtës dhe vlerave demokratike në Poloni dhe rigjallërimin e bashkëpunimit të ngushtë trepalësh në kuadër të trekëndëshit të Vajmarit me Francën”, shkruan platforma gjermane për kryeministrin polak.
“M100 Media Award” do të transmetohet drejtpërdrejt më 12 shtator nga ora 19:00 (CET) në web-faqen e M100 (www.m100potsdam.org/en).
![](https://gazetainfokus.com/wp-content/uploads/2023/10/WhatsApp-Image-2023-10-27-at-10.46.41.jpeg)
Të tjera
-
Lista Serbe ia kërkon Asociacionin edhe shefit të ri të BE-së në Kosovë
Shefi i ri i Zyrës së Bashkimit Evropian në Kosovë, Aiva Orava, është takuar ...
-
Stradner: Gjërat në Ballkan po nxehen sërish, Rusia dhe Serbia qëndrojnë prapa
Këshilltarja në Fondacionin për Mbrojtjen e Demokracisë, analistja dhe njohës...
-
Konjufca falënderon Luksemburgun për mbështetjen dhënë Kosovës
Kryetari i Kuvendit, Glauk Konjufca, takon Kreun e Misionit të Ambasadës së D...
-
Presidenti izraelit në Shqipëri, Begaj njofton se me të foli edhe për Kosovën
Presidenti i Izraelit, Isaac Herzog ka arritur në Shqipëri. Ai është pritu...
-
Rizvanolli e Shala përplasen për Trepçën
Ministrja e Ekonomisë, Artane Rizvanolli, dhe deputeti i Partisë Demokratike ...
-
BE mirëpret aktakuzën për Banjskën: Gjykata duhet të vendos për fajtorët
Ditën e djeshme, Prokuroria Speciale e Kosovës ka ngritur aktakuzë ndaj 45 pe...
-
Mbi 2 mijë e 400 tiketa trafiku të shqiptuara gjatë 24 orëve të fundit
Gjatë 24 orëve të fundit, Policia e Kosovës njofton se ka shqiptuar 2 mijë e ...
-
Tabloidet serbe shkruajnë se Vuçiq nesër do të shpallë okupimin e Kosovës
Presidenti i Serbisë, Aleksandar Vuçiq, nesër do t’i drejtohet publikut atje ...
-
Thellohet bilanci i viktimave nga tajfuni në Vietnam, shënohen afër 200 të vdekur
Gati 200 njerëz kanë vdekur në Vietnam si pasojë e tajfunit Yagi dhe më shumë...
-
Osmani udhëton për në Gjermani, e nominuar për një çmim në forumin M100 Sanssouci Colloquium
Presidentja e vendit, Vjosa Osmani, ka udhëtuar për në Gjermani për ta pranua...
-
Ilir Bytytçi zgjidhet anëtar i Bordit të RTK-së
Me rekomandimin e Komisionit ‘Ad-Hoc’, deputetët e Kuvendit të Kosovës kanë v...
-
Mbyllet stadiumi “Fadil Vokrri” për 25 ditë, reagon FC Prishtina: Nuk është shqetësuese
U investuan 1.3 milionë euro për të zgjidhur problemin e fushës në stadiumin ...