Ushtruesja e detyrës së presidentit Vjosa Osmani ka thënë se gjatë takimeve me ambasadorët e QUINT-it është vlerësuar lart pjesëmarrja e madhe e qytetarëve të Kosovës në procesin zgjedhor të 14 shkurtit si dhe vullneti i tyre i qartë për ndryshim.

Ajo ka bërë të ditur se presin që certifikimi i rezultateve të ndodhë sa më shpejtë në mënyrë që konstituimi i institucioneve të ndodhë sa më parë.

“Përgjatë viteve në vijim, prioritetet tona do të jenë zgjidhja e problemeve me të cilat ballafaqohen qytetarët tanë për çdo ditë, duke mbrojtur, në të njëjtën kohë, interesat e vendit tonë edhe jashtë kufijve e duke ndërtuar një imazh për shtetin me të cilin do të ndihen krenarë të gjithë qytetarët tanë por edhe aleatët tanë. Presim që çertifikimi i rezultateve të ndodhë sa më shpejtë dhe të respektohen të gjitha procedurat ligjore në këtë proces, në mënyrë që konstituimi i institucioneve të ndodhë sa më parë”, ka shrkuar ajo. Gazeta inFokus/