Lajme

OSHP kthen në rivlerësim projektin 3-milionësh për asfaltim të rrugëve në Deçan

Autori: Gazeta inFokus 09:52 | 11 August 2018

Tenderin për asfaltimin e disa rrugëve në Komunën e Deçanit, Zyra e Prokurimit të kësaj komune duhet sërish ta rivlerësojë.

Ky është vendimi i Gjykatës së tenderëve që ka sjellë për këtë aktivitet të prokurimit për projektin mbi 3 milionë euro. Autoriteti Kontraktues-Komuna e Deçanit e kishte shpallë në prill njoftimin për kontratë për këtë projekt, në të cilin ofertat e tyre i kishin deponuar katër operatorë ekonomikë, shkruan sot Koha Ditore.

Në mesin e qershorit Autoriteti Kontraktues kishte dhënë njoftimin për dhënie të kontratës për këtë tender konsorciumit nga tre operatorë “Arfa & Eskavatori & Euroasphalt”. Me këtë vendim nuk ishte pajtuar konsorciumi tjetër konkurrues në këtë tender “Rsm Company & Jehona”, i cili i kishte paraqitur brenda afatit të caktuar kërkesë për rishqyrtim Autoritetit Kontraktues, por ky i fundit e kishte refuzuar kërkesën për rishqyrtim si të pabazuar.

-Advertisement-

Subscribe në YouTube: GAZETA INFOKUSI