Lajme

Organizuan gara të shpejtësisë në autostrada, Policia i parandalon

Autori: Gazeta inFokus 14:58 | 19 April 2023

Njësia për Kontroll të Autostradave ka arritur që të parandaloj garat e shpejtësisë me automjete. Ky plan opeativ u realizua në bashkëpunim me Drejtoritë Rajonale Prishtinë, Prizren dhe Ferizaj.

Në njoftimin e policisë, thuhet se është hasur në disa automjete të cilat ishin ndaluar në hapësirën e autostradës me ç‘rast është arritur të parandalohen garat ilegale të cilat rrezikojnë sigurinë e pjesëmarrësve në trafik.

“Njësia për Kontroll të Autostradave në bashkëpunim me Drejtoritë Rajonale Prishtinë, Prizren dhe Ferizaj ka arritur që të parandaloj garat e shpejtësisë me automjete në tri lokacione të ndryshme (1) Autostrada “Dr. Ibrahim Rugova” në afërsi të fshatit Mazgit, (2) Autostrada “Dr. Ibrahim Rugova” në afërsi të hyrje/dalje Prizren Veri dhe (3) Autostrada “Arben Xhaferi” në afërsi të hyrje/dalje në Babush, ka hasur në disa automjete të cilat ishin ndaluar në hapësirën e autostradës me ç ‘rast është arritur të parandalohen garat ilegale të cilat rrezikojnë sigurinë e pjesëmarrësve në trafik”, thuhet në njoftim.

Ndaj shoferëve të automjeteve janë shqiptuar shtatë gjoba dhe të njëjtit janë shpërndarë nga lokacionet e lartpërmendura.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Intervistë me Prof. Dr. Vasil Iliev – Prolapsi i organeve gjenitale tek gratë

Të tjera

Fokusi

lajme