Lajme

Organizatorët: Liderët do të kthehen fitimtarë, UÇK na bashkon të gjithëve pa dallim

Autori: Gazeta inFokus 14:55 | 02 April 2023

Ismail Tasholli së bashku me Eliza Hoxhën, dy ideatorët e marshit për Drejtësi, janë folësit e parë që ju drejtuan qytetarëve në shesh.

Ismail Tasholli tha se gjatë luftës e ka ndjerë në palcë pabarazinë e dëbimin.

“Unë kam qenë 13 vjeç kur për herë të parë kam pa në uniformë ushtarin e Ushtrisë Çlirimtare të Kosovës. Një gjë ishte e qartë për mua atë botë, ishte një betejë mes lirisë dhe robërisë, mes jetës dhe vdekjes.Unë sikur bashkëmosharatët e kam ndjerë në palcë, pabarazinë, dëbimin”, u shpreh ai.

-Advertisement-

Gjithashtu, u shpreh i bindur se ish-krerët e UÇK-së do të kthehen fitimtarë në Kosovë.

“Marshojmë për drejtësi, ish-liderët nesër e fillojnë betejën për drejtësi, si gjithmonë do të na kthehen fitimtarë e faqebardhë”, tha ai.

Ndërsa, deputetja e PDK-së Eliza Hoxha tha “UÇK na bashkon të gjithëve pa dallim”.

“24 vite më parë Prishtina ishte shndërruar në qytet fantazmë nga dëbimet…Ne u kthyem e sheshet u mbushën prap për të festuar çlirimin e pavarëinë e Kosovës…UÇK na bashkon të gjithëve pa dallim”, tha Hoxha.

Sheshet e Prishtinës janë mbushur me numër të madh të qytetarëve nga e gjithë Kosova për të marshuar për drejtësi.

Subscribe në YouTube: GAZETA INFOKUSI
Udhëtoni drejt Berlinit me PrishtinaTicket me çmime speciale!
-Advertisement-

Të tjera

Fokusi

lajme