Lajme

Organizata ndërkombëtare e mediave zhgënjehet nga LVV-ja: Të shqetësuar me zgjedhjen e Aliut si anëtare e KPM-së

Autori: Gazeta inFokus 18:22 | 24 May 2023

Qendra Evropiane për Lirinë e Shtypit dhe Medias është shprehur shumë e shqetësuar dhe zhgënjyer nga vendimi i sotëm i Kuvendit të Kosovës, i kontrolluar nga Lëvizja Vetëvendosje, për të zgjedhur Luljeta Aliun anëtare të Komisionit të Pavarur për Media (KPM).

Sipas tyre, Aliu ka përkrahur me zë, rregullisht dhe publikisht Lëvizjen Vetëvendosje (VV) dhe politikën e saj, transmeton Paparaci.

“Në asnjë mënyrë ajo nuk mund të konsiderohet e pavarur. Na vjen keq që e shohim këtë zhvillim, pasi bie ndesh me procesin e depolitizimit të KPM-së që kishte filluar VV-ja. Këto zgjedhje janë një hap i madh drejt rimarrjes politike, në të njëjtën mënyrë që u bë në të kaluarën”, thuhet në reagimin e kësaj qendre në Facebook.

-Advertisement-

“Në dritën e ofertës së Kosovës për anëtarësim, ne do të iniciojmë menjëherë shkëmbimin me Këshillin e Evropës dhe PACE për t’i informuar ata për këtë zhvillim shqetësues që do të ketë ndikim të madh në pavarësinë e KPM-së”.

Të mërkurën, Luljeta Aliu është zgjedhur anëtare e Komisionit të Pavarur të Mediave.

Ndërkaq, për dy anëtarë të tjerë, për të cilët nuk u arritën votat e mjaftueshme, konkursi do të përsëritet. Në garë kanë qenë Granit Musliu, Xhevat Latifi, Veton Kasapolli dhe Jeta Abazi-Gashi.

Subscribe në YouTube: GAZETA INFOKUSI
Etiketa:
Çka po ndodh me DITËLINDJEN e Viva Fresh Store?!
-Advertisement-

Të tjera

Fokusi

lajme