Lajme

ORCA: Të dërgohet në Kuvend çështja e shkarkimit të anëtarëve të bordit të AKA-s

Autori: Gazeta inFokus 12:27 | 05 October 2017

Me kërkesë të kryeministrit Ramush Haradinaj, ministri i MAShT ka shkarkuar bordin e AKA-s dhe KShC-në.

ORCA me të marr vesh, ka kërkuar publikisht sqarime për këto vendime mirëpo siç thotë kjo organizatë, kryeministria dhe ministria kanë qenë të shurdhra ndaj kërkesave të tyre.

“Megjithatë ne presim që komisioni juaj të fillojë procedurat formale për raportim në kuvend nga ana e ministrit siç është paraparë në Nenin 7, pika 5 e Ligjit për Arsimin e Lartë që flet për Agjencinë e Kosovës për Akreditim e cila thotë “Nëse më shumë se një e treta e anëtarëve të bordit zëvendësohen për çfarëdo arsye brenda një viti, Ministria duhet ti raportojë këtë Kuvendit.””, thuhet në reagimin e ORCA.

-Advertisement-

ORCA ka paralajmëruar se ky veprim i ministrit i nxitur nga kryeministri përveç pasojave në vend mund të sjellë edhe pasoja me karakter ndërkombëtar.

Moszbatimi i ligjeve të vendit dhe rrezikimi i pavarësisë së agjencisë nga ndërhyrjet politike të pasqaruar dhe të paarsyetuara mund të nxisin suspendimin apo largimin e AKA-s nga ENQA. Kjo do të ishte një katastrofë për cilësinë e arsimit të lartë në vendin tonë që edhe ashtu është në gjendje të jashtëzakonshme.

“Ju lus që të ushtroni kompetencat tuaja dhe që me urgjencë ta sillni në Kuvendin e Republikës diskutimin për çështjen në fjalë, nëse për asgjë tjetër, thjesht për ta zbatuar Nenin 7 të Ligjit për Arsimin e Lartë në Kosovë”, thuhet në thirrjen e ORCA-s.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy