Lajme

ORCA: Bujar Dugolli pranon fajësinë për plagjiaturën

Autori: Gazeta inFokus 15:11 | 07 September 2022

Organizata për Rritjen e Cilësisë në Arsim (ORCA), përmes një komunikate për media ka njoftuar se Bujar Dugolli në mbledhjen e fundit të Senatit të Universitetit të Prishtinës të mbajtur me 5 shtator 2022 e pranoi hapur fajësinë mbi plagjiaturën e bërë, shkruan Gazeta Infokus.

Sipas ORCA-s Dugolli u shpreh se gabimi i vetëm i tij për të cilin ndjehet fajtor është se ka pranuar që emri i tij të vendoset në punimin që përmban plagjiaturë.

“Dugolli u shpreh se gabimi i vetëm i tij për të cilin ndjehet fajtor është se ka pranuar që emri i tij të vendoset në punimin që përmban plagjiaturë. Këtë veprim ai tentoi ta justifikojë përmes mirëbesimit që e ka pasur në kolegun e tij Ardian Kastratin dhe se nuk e ka shikuar punën e bërë në punim”, thuhet në komunikatë.

-Advertisement-

Gjithashtu, aty thuhet se Dugolli pranon haptazi para Senatit të Universitetit të Prishtinës se përmes veprimit të tij ai ka kontrabanduar punime shkencore me qëllim të avancimit, pra duke vendosur emrin në një punë akademike për të cilën nuk ka asnjë pikë kontributi në të.

“Pavarësisht këtij deklarimi të hapur para senatorëve dhe menaxhmentit të UP-së, Senati nuk guxoi të merrte vendim meritor, t’i përjashtojë nga universiteti plagjiatorët siç ndodhë në çdo rast të ngjashëm në botë.

Tendenca për relativizim të situatës aktuale nga disa dekanë që mbahen për intelektualë në shoqërinë tonë dhe që mbajnë ligjërata publike për etikën, krizën tonë shoqërore e politike apo për ligjshmërinë e jetës tonë publike ishte neveritëse deri në padurim, saqë monitoruesit e ORCA-s u detyruan ta lëshojnë monitorimin”, thuhet tutje në komunikatë./Gazeta Infokus/

Subscribe në YouTube: GAZETA INFOKUSI

Të tjera