Lajme

Opozita viziton BIK-un, urojnë besimtarët për festën e Fitër Bajramit

Autori: Gazeta inFokus 11:46 | 02 May 2022

Kryetarët e partive opozitare, Lumir Abdixhiku nga Lidhja Demokratike e Kosovës (LDK), i Aleancës për Ardhmërinë e Kosovës (AAK) Ramush Haradinaj dhe Memli Krasniqi nga Partia Demokratike e Kosovës (PDK), sot kanë vizituar Bashkësinë Islame të Kosovës me rastin e festës së Fitër Bajramit, ku janë pritur nga myfitu Naim Tërnava.

Abdixhiku uroi të gjithë besimtarët myslimanë festën e Fitër Bajramit.

“Bëra vizitë te myftiu Tërnava për të uruar të gjithë besimtarët pas një muaj të gjatë të agjërimit. Dy vlera janë jetike për çdo njeri,për politikën dhe shoqërinë tonë në përgjithësi”, ka thënë Abdixhiku.

-Advertisement-

Edhe Haradinaj uroi të gjithë besimtarët për festën e Fitër Bajramit.

“Kam nderin që në emër të Aleancës për Ardhmërinë e Kosovës, së bashku me kolegët e mi, t’i urojmë myftiut Ternava, këtu në Bashkësinë Islame të gjithë besimtarëve shqiptarë myslimanë, por edhe gjithë të tjerëve që e festojnë festën, Me fat Bajramin”, tha ai.

Teksa ka shtuar që për të gjithë ata që kanë agjëruar të ju pranojë Zoti agjërimin dhe t’i shpërblejë gjithë ata që kanë ndihmuar të tjerët pasi që ka qenë muaji i solidaritetit.

Ndërsa, Krasniqi tha se kjo festë shënon kulminacionin e një sprove prej një muaji të agjërimit, shkruan Telegrafi.

“Kisha kënaqësinë që sot të vij e të uroj myftiun Tërnava për festën e madhe të Fitër Bajramit. Është një festë që shënon kulminacionin e një sprove prej një muaji. Ftoj qytetarët e Kosovës që të marrin shembull nga kjo festë, të bëhen dhe më bujar. Gjithashtu shpreha mirënjohjen më të thellë BIK-ut. Duke i përgëzuar shfrytëzoj rastin që edhe njëherë të uroj këtë festë”, tha Krasniqi.

Subscribe në YouTube: GAZETA INFOKUSI
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

lajme