Lajme

Operacioni “Shpata”, arrestohet i dyshuari në Mitrovicën e Veriut për kultivim të lëndëve narkotike

Autori: Gazeta inFokus 18:45 | 04 April 2023

Policia e Kosovës ka njoftuar se sot ka arrestuar të dyshuarin e nacionalitetit serb kosovar në Mitrovicën e Veriut, i cili po hetohej për kultivim të lëndëve narkotike.

Në njoftim bëhet se ditur se më 12 shkurt të vitit aktual, hetuesit policorë nga Drejtoria për Hetimin e Trafikimit me Narkotikë, kishin zhvilluar një operacion, të koduar me emrin “Shpata” me qëllim të luftimit të kultivimit të lëndëve narkotike.

“Gjatë realizimi të atij operacioni policor ishte arritur të zbuloheshin tre laboratorë me bimë narkotike; dy laboratorë me rreth 1200 bimë narkotike, si dhe laboratori i tretë (pa bimë) me pajisje të sofistikuara për kultivim të bimëve narkotike në të. Gjatë realizimit të operacionit policorë në fjalë, policia kishte arrestuar dy persona të dyshuar meshkuj serb”, thuhet në komunikatën e Policisë së Kosovës.

-Advertisement-

“Sot, më 04.04.2023, rreth orës 15:20, në vazhdën e hetimit të rastit të lart-cekur, policia ka identifikuar dhe arrestuar edhe një të dyshuar (të dyshuarin e tretë): R.K., (viti i lindjes 1968, mashkull serb kosovar). I dyshuari është intervistuar dhe ndaj tij është iniciuar rasti në drejtim të dy veprave penale: ‘prodhimi dhe përpunimi i paautorizuar i narkotikëve, substancave psikotrope, analoge apo veglave, pajisjeve apo materialeve narkotike’ dhe ‘’kultivimi i bimës së hashashit, shkurres së kokainës ase bimëve të kanabisit’”, thuhet tutje.

Sipas njoftimit, pas intervistimit, me aktvendim të prokurorit, i dyshuari është dërguar në mbajtje deri në 48 orë.

“Policia mbetet e përkushtuar në luftimin e të gjitha aktiviteteve kriminale në vend, në veçanti luftë e pa kompromis do të zhvillohet ndaj personave apo grupeve kriminale që merren me abuzimin, posedimin, kultivimin apo trafikimin e substancave narkotike (drogave) në përgjithësi”, thuhet në fund.

Subscribe në YouTube: GAZETA INFOKUSI
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme