Lajme

Operacioni kundër trafikimit të drogës, prangosen pesë persona

Autori: Gazeta inFokus 14:54 | 11 November 2021

Policia e Kosovës në bashkëpunim me Prokurorinë e Shtetit, përmes një konference për media kanë bërë të ditur se janë arrestuar pesë persona të cilët dyshohen për blerje, posedim, shpërndarje dhe shitje të paautorizuar të narkotikëve, substancave psikotrope dhe analoge.

Prokurorja e Prokurorisë Themelore në Prishtinë ka bërë të ditur se këto arrestime kanë ardhur si rezultat i operacionit kundër trafikimit të drogës.

Sipas saj të arrestuarit dyshohen edhe për vepra të tjera penale, sulm kundër personit zyrtar, shkaktim i rrezikut të përgjithshëm.

Gjithashtu, prokurorja ka njoftuar se të dyshuarit janë ndaluar për 48 orë.

Gjatë kontrollit të lokacioneve janë sekuestruar disa vetura, disa telefona, e para të gatshme./Gazeta Infokus/

Të tjera