Lajme

Operacion në det/ Kapen dy skafistë me 600 kg kanabis (FOTO)

Autori: Gazeta inFokus 10:26 | 20 Gusht 2017

Pas aktivizimit të alarmit nga Policia Kufitare e Vlorës dhe Guardia di Finanza në Shqipëri në orët e vona të natës së djeshme ka filluar në det një operacion antitrafik.

U aktivizuan menjëherë Policia Kufitare, Delta Forcë, policia lokale e Vlorës, QNOD, Roja Bregdetare shqiptare, NUFROM i Guardia di Finanza dhe Guardia di Finanza në Bari të koordinuara nga njësia ajrore e Frontex.

Si përfundim u ndalua një gomone dhe 2 persona që po tentonin të trafikonin drogë drejt Italisë. Në bordin e gomones janë kapur dhe arrestuar dy skafistë shqiptar me inicialet L.R. vjeç 34 dhe H.D. vjeç 23.

-Advertisement-

Gjatë ndjekjes dy trafikantët u përpoqën t’i shmangeshin disa herë patrulluesve dhe forcave policore që i ndiqnin duke kryer manovra të rrezikshme në det. Në fund para se të ndaloheshin dy trafikantët hodhën lëndën narkotike në det, e cila po rekuperohet ku deri tani janë rikuperuar rreth 600 kilogramë Marjiuanë. Ndalimi i gomones u bë në ujërat territoriale italiane. Policia thotë se rezervohet për detaje të tjera për shkak të sekretit hetimor.