Lajme

Operacion i gjerë kundër kanabisit në Shqipëri, asgjësohen 24 mijë rrënjë – marrin pjesë 7 mijë policë me 90 dronë

Autori: Gazeta inFokus 14:34 | 20 Gusht 2023

Një operacion i madh kundër kanabisit është zhvilluar në Shqipëri gjatë 72 orëve të fundit, ku morën pjesë 7 mijë zyrtarë policorë, 90 dronë dhe u asgjësuan 24 mijë rrënjë kanabis sativa.

Operacioni u zhvillua në malësinë e Krujës, në Shkodër, Lezhë dhe Tropojë, kryesisht në terrene të vështira malore dhe fshatra të thella

Në territorin e fshatit Arst të Pukës, policia sekuestroi 29 kilogramë kanabis në formën e boçeve ndërsa u shpall në kërkim autori i dyshuar i këtij rasti, si dhe nisi procedimi në gjendje të lirë, për kryetarin e fshatit Arst, për shpërdorim detyre.

-Advertisement-

Në qarkun Shkodër, si rezultat i fazës së 13-të të operacionit policor “Alpe të pastra” u asgjësuan në total 15 mijë e 338 bimë narkotike që u gjetën të kultivuara në fshatra të ndryshme të bashkive Shkodër, Malësi e Madhe, Vau i Dejës dhe Fushë Arrëz.

Në malësinë e Krujës, si rezultat i fazës së 35-të të operacionit policor antikanabis të koduar “Territor i pastër”, u asgjësuan 4 mijë e 630 bimë narkotike kanabis që u gjetën të kultivuara në zona të ndryshme.

Në qarkun Lezhë, si rezultat i fazës së 33-të të operacionit policor antikanabis të koduar “Imazhi”, u asgjësuan në total 4 mijë bimë narkotike kanabis sativa që u gjetën të kultivuara në disa fshatra të ndryshme të rretheve Lezhë dhe Kurbin.

Në zona malore të rrethit të Tropojës, si rezultat i fazës së 7-të të operacionit policor antikanabis të koduar “Bjeshkët e Nemuna”, u asgjësuan 252 bimë narkotike që u gjetën të kultivuara në fshatra të ndryshme e Tropojës.

Ky aksion policor antikanabis i koduar “FOKUSI” po vijon pandërprerë në të gjithë Shqipërinë, me shërbime nga toka, monitorim nga ajri me dronët e policise.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy