Lajme

Omicroni godet edhe Kosovën, mbi 95% të rasteve pozitive janë me këtë variant

Autori: Elvira Haxhiu 11:31 | 19 January 2022

Varianti Omicron që për herë të parë në Kosovë u shfaq në dhjetor të vitit të kaluar ka përfshirë edhe Kosovën.

Shumica e rasteve të reja pozitive e që ditëve të fundit ka pasur shifra alarmante të tyre janë me këtë variant.

Këtë e kanë konfimruar për Gazetën Infokus nga Instituti Kombëtar i Shëndetësisë Publike, sipas të cilëve 95.8% e rasteve që katualisht janë positive janë me variantin Omicron.

-Advertisement-

“Sipas të dhënave të IKSHPK-së nga testimi i fundit i mostrave pozitive në SARS-CoV-2 për prani të variantit Omicron, 95.8% të këtyre mostrave kanë qenë me variantin Omicron”, thuhet në përgjigjen e IKSHPK-së.

Gjithashtu, nga ky institut kanë njoftuar së testimi për detektimin e variantit Omicron të SARS-CoV-2 nga ata kryhet që nga java e fundit e dhjetorit të vitit 2021.

Rastet e para me Omicron në Kosovë u konfirmuan me 26 dhjetor 2021, ku nëntë persona rezultuan pozitiv me këtë variant.

Sipas ekspertëve të shëndetësisë, varianti Omicron përhapet më shpejtë se variant paraprak Delta dhe Delta Plus mirëpo simptomat e varinatit Omicron janë dukshëm më të lehta./Gazeta Infokus/

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker

Të tjera

Fokusi

lajme