Rozë

Olta Gixhari flet si asnjëherë më parë për partnerin: Nuk bën dhurata të shtrenjta, është… (pamje)

Autori: Gazeta inFokus 10:26 | 07 April 2022

“Lockdown-i na ndihmoi të njiheshim më shumë, kaluam testin e madh”. Kështu u shpreh Olta Gixhari për partnerin e saj teksa ishte e ftuar sot në emisionin “Wake Up” në Top Channel.

Aktorja e njohur u shpreh se kur e gjithë bota ishte e mbyllur për shkak të pandemisë së Covid-19, ajo dhe partneri nuk kanë pasur asnjë debat, siç dëgjonte nëpër lajme për divorce.

Por jo vetëm kaq, Olta tregoi më pas se ata janë njohur në Madrid dhe puthjen e parë e kanë dhënë në Romë.

-Advertisement-

“Ka ardhur në mënyrë shumë natyrale. Kur e pashë në fillim, unë mendoja që ky me mua kurrë”, tha Gixhari.

E pyetur se cila është dhurata më e shtrenjtë që ka marrë nga partneri, përveç të djalit, Olta tha “është kursimtar”.

“Është kursimtar nuk bën dhurata të shtrenjta, nuk është dorëlëshuar”, tha aktorja e dashur për publikun, e cila shtoi se emrin e ka Dori dhe nuk e zbuloi profesionin e tij.

Ndërsa duke folur për mënyrën se si e thërrasin njëri-tjetrin në përkëdheli, Olta tha se ajo i thotë në emër. Ndërsa partneri ka një pseudonim të veçantë për të, por aktorja nuk e zbuloi.

“Nuk më thërret kurrë në emër. Dy herë mund të ketë ndodhur të më thotë ashtu, dhe më thërret në emër është kur diçka nuk shkon. Nuk është zemër, shpirt, kështu, është i padëgjuar ndonjëherë”, tha Olta.

Në fund, aktroja e njohur u shpreh se partneri i saj nuk është bërë asnjëherë xheloz.

“Nuk e di se si është xhelozia në çift”, përfundoi Gixhari, e cila është nënë e një djali, Amar.