Sport

Olimpisti turk “çmend” rrjetin, fiton medalje me dorë në xhep

Autori: Gazeta inFokus 12:44 | 01 August 2024

Disa atletë olimpikë dalin si yje duke qenë dominues në sportin e tyre. Të tjerët janë thjesht shumë të lezetshëm.

Të rrallë janë ata që i kanë të dyja.

Qitësi turk Yusuf Dikeç, 51-vjeç, ngjalli një mori memesh në rrjet gjatë përpjekjes së tij për të fituar medaljen e argjendtë në garën e ekipeve të përziera me pistoletë ajrore.

-Advertisement-

Garuesit në çdo disiplinë të qitjes në Lojërat Olimpike kanë tendencë të mbajnë mbrojtëse veshi dhe dy lente, një për të shmangur turbullimin dhe një për saktësi më të mirë.

Një qitës me pajisje të zakonshme në Olimpiadë

Por, jo edhe Dikeç.

Qitësi turk Yusuf Dikeç, me syze të rregullta dhe me dorën në xhep, fiton medaljen e argjendtë olimpike

Në vend të kësaj, ai u paraqit me njërën dorë në xhep, drejtoi pistoletën dhe shkrepi të shtënat e tij ndërsa ai dhe Shevval Ilayda Tarhan siguruan një medalje argjendi në këtë event.

51-vjeçari Dikeç është prej kohësh një nga gjuajtësit më të arrirë në të gjithë Evropën, por kjo është medalja e tij e parë olimpike.

Subscribe në YouTube: GAZETA INFOKUSI