Lajme

OEK njofton se zyra për përpilimin e padive ndaj ZRRE po funksionon, fton bizneset e ‘‘dëmtuara’’ të paraqiten aty

Autori: Gazeta inFokus 16:44 | 02 July 2025

Oda Ekonomike e Kosovës, ka njoftuar se zyra për përpilimin e padive ndaj Zyrës së Rregullatorit për Energji lidhur me vendimin për daljen e bizneseve në tregun e lirë të energjisë elektrike, është duke vazhduar të funksionojë.

Nga OEK është shtuar edhe se zyra në fjalë është krijuar për të dhënë mbështetje ligjore për të gjitha bizneset e prekura nga ky vendim, dhe se e njëjta, është duke shënuar interesim të lartë nga ana e kompanive të cilat kanë nevojë për ndihmë në përgatitjen e dokumentacionit të nevojshëm për kontestimin ligjor.

Njoftimi:

-Advertisement-

Oda Ekonomike e Kosovës njofton se vazhdon të funksionojë zyra për përpilimin e padive ndaj Zyrës së Rregullatorit për Energji (ZRrE), lidhur me vendimin për daljen e bizneseve në tregun e lirë të energjisë elektrike.

Kjo zyrë është krijuar për të ofruar mbështetje ligjore për të gjitha bizneset e prekura nga ky vendim dhe po shënon interesim të lartë nga ana e kompanive të cilat kanë nevojë për ndihmë në përgatitjen e dokumentacionit të nevojshëm për kontestimin ligjor.

Ftojmë të gjitha bizneset që ndihen të dëmtuara nga ky vendim dhe që kanë nevojë për mbështetje në hartimin e padisë, të paraqiten pranë kësaj zyre brenda Odës Ekonomike të Kosovës.

Subscribe në YouTube: GAZETA INFOKUSI