Lajme

OEK apelon për ligjshmëri në rastin Klan Kosova

Autori: Gazeta inFokus 09:42 | 16 June 2023

Oda Ekonomike e Kosovës shpreh shqetësimin e thellë për vendimin e qeverisë së Republikës së Kosovës që t’i merret certifikata e biznesit kompanisë Klan Kosova.

Përmes një komunikate për media, OEK-ja vlerëson se ky vendim nuk është në përputhje me procedurën administrative gjegjëse prandaj kërkon që vendimi të rishikohet.

“OEK është e shqetësuar edhe më tepër me implikimet që sjell ky vendim, sidomos me mundësinë që të mbyllet Klan Kosova si medium. Klan Kosova është ndër mediat që ka bërë më së shumti për promovimin e bizneseve vendore, prandaj çdo cenim i medias Klan Kosova është edhe cenim i promovimit të prodhimeve kosovare. Për më tepër OEK është e shqetësuar edhe me implikimet që një vendim i tillë, pa respektuar proceduarat administrative, do të ketë në imazhin e Kosovës si vend që tenton të tërheq investime të huaja”, thuhet në reagimin e OEK-së.

-Advertisement-

Prandaj, “OEK-ja apelon për vendimmarrje të drejtë, të bazuar në procedurat e ligjet gjegjëse si dhe respektim të të drejtave të bizneseve por edhe për pacenueshmëri të lirisë së shprehjes”.

Kujtojmë se Ministria e Industrisë, Ndërmarrësisë dhe Tregtisë, të mërkurën publikoi një vendim përmes së cilit thuhej se Klan Kosova i pezullohet certifikata e biznesit.

Ndaj këtij veprimi të qeverisë ka pasur reagime të shumta, si nga brenda, ashtu edhe nga jashtë vendit, duke e dënuar dhe cilësuar veprimin e Qeverisë si tentim për frikësim të mediave.

Subscribe në YouTube: GAZETA INFOKUSI