Lajme

Oda e Stomatologëve reagon për rastin në Malishevë, ku një grua dyshohet se vdiq pas marrjes së shërbimeve stomatologjike

Autori: Gazeta inFokus 13:17 | 23 August 2023

Oda e Stomatologëve të Kosovës ka reaguar pas raportimeve për rastin që ndodhi dje në Malishevë, ku dyshohet se një grua ka humbur jetën pas një vizite që kishte pasur në një ordinancë stomatologjike, ku i ishte përkeqësuar gjendja shëndetësore.

Oda e Stomatologëve ka deklaruar se është duke e përcjellë me vëmendje rastin i cili ka ndodhur në Malishevë.

“Oda e Stomatologëve të Kosovës me vëmendje është duke përcjellë rastin e ndodhur dje në Malishevë, ku është raportuar për përfshirjen e një stomatologu, anëtar i OSK-së.

-Advertisement-

Oda e Stomatologëve të Kosovës, shpreh ngushëllimet e sinqerta familjes dhe gjithë qytetarëve me rastin e ndarjes tragjike nga jeta e pacientes nga Malisheva, për të cilën siç është raportuar nga ana e mediave ka ndërruar jetë pas marrjes së shërbimeve shëndetësore stomatologjike”, thuhet në reagimin e tyre.

OSK është zotuar se pas daljes së raporteve të inspektoratit shëndetësor në institucionin shëndetësor ku është dhënë shërbimi stomatologjik, do të jetë në krye të detyrave dhe misionit të saj, duke ndërmarrë të gjitha masat ligjore ndaj stomatologut, anëtarit të OSK-së, në raport me të gjeturat e konstatuara të inspektoratit shëndetësor./Telegrafi/

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme