Lajme

OBSH: Koronavirusi do të jetë me ne edhe për një kohë të gjatë

Autori: Gazeta inFokus 07:12 | 23 April 2020

Drejtori i përgjithshëm i Organizatës Botërore të Shëndetit Tedros Adhanom Gebrejesus deklaroi sot se koronavirusi do të jetë me ne edhe për një kohë të gjatë.

“Mos bëni gabim, ne kemi një rrugë të gjatë. Ky virus do të jetë me ne për një kohë të gjatë,” tha ai, duke shtuar se epidemia në Evropën Perëndimore duket se po stabilizohet.

Gebrejesus tha se shpresonte që administrata e presidentit amerikan Donald Trump të konsiderojë pezullimin e fondeve të OBSH-së, por që fokusi i tij kryesor ishte dhënia fund e pandemisë dhe shpëtimi i jetës.

-Advertisement-

“Shpresoj që SHBA të rishikojë ngrirjen e fondeve dhe të mbështesë edhe një herë punën e OBSH dhe të vazhdojë të shpëtojë jetë. Shpresoj se SHBA do ta konsiderojë këtë një investim të rëndësishëm, jo vetëm për të ndihmuar të tjerët, por edhe për t’i mbajtur SHBA të sigurta,” tha Gebrejesus.

Ai tha se kishte tendenca shqetësuese në rritjen e epidemisë së hershme në pjesë të Afrikës dhe Amerikës Qendrore dhe Jugut, transmeton Reuters.

“Shumica e vendeve janë ende në fazat e hershme të epidemisë dhe disa që u prekën herët në pandemi, kanë filluar të shohin një ulje të rasteve,” tha Tedros në një konferencë shtypi në Gjenevë.

Subscribe në YouTube: GAZETA INFOKUSI
Etiketa:

Të tjera

Fokusi

lajme