Shëndetësi

OBSH do ndalojë testimin e klorokinës kundër Covid-19, po shfaqë probleme tek pacientët

Autori: Gazeta inFokus 19:23 | 25 May 2020

Organizata Botërore e Shëndetësisë do suspendojë testimin klinik tek pacientët me koronavirus të klorokinës. Një gjë e tillë është bërë e ditur përgjatë konferencës së përditshme të koronavirusit të mbajtur nga organizata botërore.

OBSH ka thënë se është shprehur e shqetësuar pas rishqyrtimit të një studimi të publikuar në revistën mjekësore ‘The Lancet’, sipas të cilit klorokina shkaktoi rritjen e vdekshmërisë së pacientëve me Covid-19, shkruajnë mediet e huaja, transmeton lajmi.net.

Për këtë arsye, hulumtuesit thanë se po pezullojnë përdorimin e klorokinës në Testimin e Solidaritetit të OBSH-së, në të cilin po testohen katër lloj ilaçesh që janë parë si potenciale për shërimin e sëmundjes infektive.

-Advertisement-

“Grupi ekzekutiv ka vënë në zbatim një pezullim të përkohshëm të hidroklorokinës në Testimin e Solidaritetit pas rishikimit të të dhënave të sigurisë nga bordi i monitorimit të të dhënave”, deklaroi Tedros Adhanom Ghebreyesus, drejtor i përgjithshëm i organizatës shëndetësore.

Sidoqoftë, testimet e medikamenteve të tjera do të vazhdojnë, sipas shefit të organit ndërkombëtar të Organizatës së Kombeve të Bashkuara.

Subscribe në YouTube: GAZETA INFOKUSI
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Të tjera