Objekti i emergjencës që kushtoi 8 milionë euro ua rrezikon jetën e qytetarëve
Autori: Gazeta inFokus 19:29 | 15 April 2019
Edhe dy muaj pritet që të përfundojë ndërtimi i objektit më të përfolur të shëndetësisë në vend. Por, pavarësisht se punimet për ndërtimin e Klinikës Emergjente në QKUK, do të përfundojnë në qershor të këtij viti, kjo klinikë vështirë se do të mund të funksionalizohet ndonjëherë.
Madje, edhe nëse kjo klinikë nis punën, atëherë pacientët të cilët kërkojnë shërim aty, mund të dalin edhe me pasoja.
Objekti që i kushton buxhetit të shtetit më të varfër në rajon mbi 8 milionë euro, po del të ketë mangësi të mëdha. Gjithë kjo sipas raportit të hartuar nga një grup i ekspertëve të objekteve shëndetësore, shkruan Gazeta Express.
Klinika Emergjente
Në bazë të raportit “Vlerësimi i realizueshmërisë së qendrës emergjente në Qendrën Klinike dhe Universitare të Kosovës”, në këtë objekt cenohet jeta e pacientëve
“Jeta e pacientëve është e cënuar për mungesë të theksuar për qasje të shpejtë në hapësirat të cilat duhet të ofrojnë shërbimin mjekësore që në minutat e parë të arritjes së pacientit në emergjencë në mënyrë të veçantë hapësirat e triazhimit me reanimimin, diagnostikën imazherike, laboratorin, emotekën dhe sallat e operacionit, kardiokirugjisë dhe kardiokirurgjisë invasive”, thuhet në raport.
Poashtu, sipas këtij raporti, pacientët nuk janë të mbrojtur nga infeksionet dhe zjarri.
“Nuk garanton mbrojtje të pacientëve dhe përdoruesve të objektit nga infeksionet intra-hospitalore për arsye të përdorimit jo adekuat të sistemit të trajtimit të ajrit si dhe të përzierjes së rrugëve të pastra me ato të papastërta në lëvizjet horizontale dhe vertikale në mënyrë të veçantë në bllokun operativ dhe hapësirën e dedikuar për sterilizim,”
Përmbledhje ekzekutive e raportit të ekspertëve
Se projekti ka mangësi dhe se si i tillë nuk mund të jetë funksional edhe pas ndërtimit, këtë e thonë edhe kompania ndërtuese “Al Trade ”.
Leonit Gecaj nga Al Trade ka thënë se ata kanë nënshkruar kontratë për ndërtimin e klinikës Emergjente më 19 maj 2016, dhe se punimit pritet të përfundojnë gjatë qershorit të këtij viti.
“Al Trade ka nënshkruar kontrate për ndërtimin e klinikes Emergjente me date: 19.05.2016 dhe punimet kane filluar me përkushtim te mjaftueshëm dhe është arritur te ndërtohet ndërtimi i vrazhdë sipas planit dinamik. Sipas kontratës, te gjitha punët janë llogaritur te përfundojnë brenda 650 dite pune, apo orientimisht ne Qershor 2019”, ka thënë Gecaj.
Gecaj deklaron se kur kompania ka studiuar projektin për të cilin janë angazhuar ta ekzekutojnë, ata kanë evidentuar probleme të theksuara. Këto probleme, Gecaj thotë se janë komunikuar tek autoriteti kontraktues, për arsye se si përmirësime te pjesërishme nuk e arrijnë qëllimin e vet.
Sipas tij, projektit do i duhej një revidim i tërësishëm, në të kundërtën thotë se objekti nuk do të arrij të jetë sipas standardeve që kërkohen. Shton se vendimi për ndryshime eventuale në projektim i takon Autoriteti Kontraktues dhe se ata janë në pritje të një vendimi të tillë.
“Projekti, mendojmë se kërkon revidim dhe ndërhyrje substanciale ne organizim ashtu qe te arrihen qëllimet funksionale te tij, në të kundërtën sipas vlerësimit tonë dhe te ekspertëve të fushës, projekti si i tillë nuk garanton funksionalitet. Ne jemi ne pritje te një vendimi final të Autoritetit Kontraktues, dhe shpresojmë qe do duhej te ishte një vendim për riprojektim sipas kërkesave dhe standardeve të kërkuara”, tha Gecaj.
Përmbledhje ekzekutive e raportit të ekspertëveE në Ministrinë e Shëndetësisë duket se nuk e kanë parë të nevojshme që të kthejnë përgjigje lidhur me këtë çështje, ani pse ndërtimi i Emergjencës në QKUK e “tkurr” buxhetin e shtetit për më shumë se 8 milionë euro.
Ndonëse kanë kaluar më shumë se 1 muaj që nga koha kur Gazeta Express ka dërguar pyetje në adresë të këtij institucioni, por që deri në momentin e publikimit të tekstit, ata nuk kanë kthyer përgjigje.
Disa herë janë arsyetuar se meqenëse projekti është më i vjetër, iu duhet kohë për detaje, por pavarësisht pritjes, ata nuk kanë kthyer përgjigje.
Përgjigje nuk kanë kthyer as në kompaninë mbikëqyrëse për këtë projekt.
Ndërkohë, ish Ministri i Shëndetësisë, Imet Rrahmani, në kohën e të cilit është nënshkruar kjo kontratë, mohon që projekti ka mangësi.
Rrahmani thotë se me këto kërkesa po mundohet të arsyetohet një goditje e re mbi buxhetin e shtetit.
“Nuk ka kurrfarë lidhje revidimi eventual i projektit me funksionalitetin, por kjo ka lidhje kryekëput me arsyetimin e një goditje të re mbi buxhetin e shtetit. Thjesht synohet ndërprerja e kontratës, ri tenderimi i pjesës së mbetur dhe ngritja e çmimit”, ka thënë Rrahmani.
Rrahmani ka thënë se me këtë projekt po synohet një grabitje e buxhetit të shtetit. Deklaron se njëjtë po veprohet edhe me projekte të tjera.
“Punët me çmime të larta janë krye, kanë mbetur ato me çmime të ulta, dhe normal që të dy palëve ju “konvenon”. Pra synohet një grabitje në pikë të ditës e parasë publike. Ngjashëm po zvarriten edhe projektet tjera”, ka thënë Rrahmani.
Ndryshe, gurthemeli për ndërtimin e kësaj klinike ishte vënë më 16 korrik të vitit 2016, në kompleksin e Qendrës Klinike Universitare të Kosovës,
Në ceremoninë e vënies së këtij gur themeli, ishin të pranishëm Kryeministri Isa Mustafa, Ministri i Shëndetësisë Imet Rrahmani, zyrtarë të lartë të MSH-së e SHSKUK-së, përfaqësueses te kompanisë ndërtuese Al Trade sh.p.k, profesionistë shëndetësore, qytetarë dhe autoritete të ndryshme publike.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...