Lajme

OAK reagon për sulmin fizik ndaj mjekut në Deçan

Autori: Gazeta inFokus 15:27 | 22 Nëntor 2021

Oda e Mjekëve të Kosovës ka reaguar pas sulmit ndaj një mjeku në Qendrën Kryesore të Mjekësis Familjare në Deçan.

Nga kjo Odë kanë thënë se kolegu i tyre u sulmua gjatë kohës sa ka qenë në detyrë.

“Oda e Mjekëve të Kosovës me shqetësim, indinjatë dhe zhgënjim ka pranuar lajmin e sulmit ndaj kolegut i cili u sulmua në hapësirat e vendit të punës përkatësisht në QKMF-në në Deçan. Sulmi ndaj mjekëve është bërë pjesë e protokollit të sjelljes së shërbim marrësve nëpër institucione shëndetësore, ndërkaq mjeku është bërë viktima e përhershme e këtyre sulmeve serike të cilat si duket nuk kanë të ndalu“, thuhet në reagim.

-Advertisement-

Tutje nga kjo Odë kanë thënë se vetëm gjatë këtij viti janë shënuar dhjetëra raste të sulmeve fizike dhe verbale ndaj mjekëve.

“Vetëm gjatë këtij viti janë shënuar dhjetëra raste të sulmeve fizike dhe verbale ndaj mjekëve, të cilët në vendin e punës pa asnjë mbrojtje dhe asnjë kujdes të veçuar, janë duke iu ekspozuar veprimeve vandale dhe të dhunshme“, thuhet tutje në reagim.

Oda e Mjekëve të Kosovës i ka bërë thirrje Prokurorisë dhe Gjykatës që të ndërmarrin veprime ndaj këtyre sulmeve.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy