OAK: Qeveria e Kosovës të marrë masa, bizneset të furnizohen 24 orë me rrymë
Autori: Gazeta inFokus 10:03 | 15 August 2022
Oda e Afarizmit të Kosovës ka reaguar pasi KEDS njoftoi se nga sot do të ketë reduktime 6 me rrymë dhe dy pa rrymë për të gjithë konsumatorët.
Dhoma e Tregtisë në kuadër të OAK-ut në reagimin e tyre kanë thënë se janë jashtëzakonisht të shqetësuar për këtë vendim.
“Dhoma e Tregtisë dhe Industrisë Kosovë është jashtëzakonisht e shqetësuar për vendimin e KEDS-it që të fillojë me reduktimet e energjisë elektrike e cila tani po vërehet edhe në kryeqytet, duke kërkuar sigurimin e energjisë elektrike dhe ndërprerjen e reduktimeve. Reduktimet e energjisë elektrike në këtë kohë të rëndë për bizneset, do t’i dëmtonin në masë të madhe ato dhe pasojat do të jenë në humbjen e tregut si brenda ashtu edhe jashtë vendit si dhe në humbjen e vendeve të punës”, thuhet në komunikatë.
OAK ka kërkuar nga qeveria e Kosovës që bizneset të furnizohen me rrymë 24 orë, shkruan Gazeta Infokus
“Dhoma e Tregtisë ashtu edhe siç ka kërkuar edhe më herët, kërkon që Qeveria e Kosovës të ndërmarrë masa paraprake dhe KEDS të furnizojë 24h më energji elektrike bizneset, dhe me urgjencë të ndërmarrë masa adekuate që të mos vije deri tek vazhdimi i ndërprerjeve të energjisë elektrike, siç është paralajmëruar nga KEDS 6 orë me rrymë dhe 2 orë pa rrymë. Dhoma e Tregtisë në kontinuitet është duke e njoftuar dhe kërkuar nga Qeveria që të ofrojë më shumë përkrahje për bizneset në mënyrë që të përballojë këtë gjendje jo të lehtë, të shkaktuar si rezultat i pandemisë dhe luftës në Ukrainë, gjë që ka ndryshuar në masë të madhe rrjedhën e të bërit biznes, andaj konsiderojmë që në këtë drejtim Qeveria duhet të bëjë shumë më shumë për përballimin e situatës”, thuhet në vazhdim të komunikatës.
Madje nga Dhoma e Tregtisë kanë treguar që tashmë disa herë kanë biseduar me qeverinë dhe janë munduar që të ofrojnë zgjidhje në këtë aspekt.
“Dhoma e Tregtisë kërkon edhe një herë nga Qeveria që ti përkrahë bizneset me kredi të buta, ulje të TVSH-së në ushqim, heqje të përkohshme të akcizës, ndryshimin e disa politikave fiskale, e aprovimin e disa ligjeve të cilat do të kontribuonin në ruajtjen e vendeve të punës dhe mundësitë e rritjes së tyre. Dhoma e Trëgtisë ka zhvilluar disa takime dhe ka kërkuar nga ZRRE që të blejë energjinë elektrike nga bizneset dhe qytetarët dhe jo e njejta të kompenzohet, dhe gjithashtu të blihet edhe nga bujqit të cilët jashtë sezonës janë duke e humb energjine e cila prodhohet si rezultat i pamundësisë së blerjes nga ana e ZRRE. Të gjitha këto veprime, përfshirë edhe një ofertë tërheqëse për investime në këtë drejtim, do të zvogëlonin varësinë tonë nga importi dhe reduktimet e paralajmëruara nga ana e KEDS.”
Kujtojmë që nga mëngjesi me vendim të KEDS dhe KESCO në pamundësi të vazhdimit të blerjes apo importit të energjisë elektrike kanë filluar reduktimet në të gjithë vendin./Gazeta Infokus/
Të tjera
-
Uragani “Ellen” goditi Floridan, tre të vdekur dhe shkatërrime të shumta! Shpallet gjendja e jashtëzakonshme
Uragani Ellen zbarkoi në bregun e Floridës të enjten mbrëma si një stuhi e fu...
-
Shpërthimi i pajisjeve të komunikimit të Hezbollahut, Norvegjia lëshon urdhër arrest ndërkombëtar për një 39 vjeçar
Policia në Norvegji ka lëshuar një urdhër ndërkombëtar ndalimi për një indian...
-
Rama takohet me presidentin Joe Biden në New York
Kryeministri Edi Rama dhe bashkëshortja e tij Linda Rama është takuar ditën e...
-
Gjermania po jep 10-14 mijë leje qëndrimi për shqiptarët në vit, e dyta në Europë
Pas viteve ’90, Italia dhe Greqia ishin streha e emigrantëve shqiptarë që u l...
-
Mbështetja amerikane kundër pushtimit rus, Biden-Zelensky takim në Shtëpinë e Bardhë
Presidenti Joe Biden priti të enjten në Shtëpinë e Bardhë Presidentin e Ukrai...
-
Instituti Demokratik i Kosovës mban tryezë diskutimi
Instituti Demokratik i Kosovës sot do të mbajë tryezë diskutimi. KDI-ja pr...
-
Sot në Zubin Potok mbahet protesta e paralajmëruar nga qytetarët serbë
Sot është paralajmëruar protestë në Zubin Potok nga ana e qytetarëve serbë që...
-
Trump: Ukraina duhej t’i kishte bërë lëshime Rusisë
Ish Presidenti Donald Trump u shpreh me një gjuhë të zymtë dhe të trishtuar t...
-
Sot mblidhet Komisioni Hetimor Parlamentar
Sot do të mblidhet Komisioni Hetimor Parlamentar. Ky Komision do të diskut...
-
Moti sot, me diell dhe vranësira të pakta
Mbi vendin tonë sot do të mbajë mot me diell dhe vranësira të pakta, kryesish...
-
Tomë Gashi – Korenicës të VV-së: Mirë ish kanë edhe ti të mbulohesh pakëz
Deputeti i VV-së, Visar Korenica, sot në seancën plenare ka ngritur si shqetë...
-
Tri aksidente sonte vetëm në Prishtinë, nuk dihet a ka të lënduar
Tri aksidente u raportuan në Prishtinë mbrëmjen e sontme. Njëri prej tyre ...