Lajme

NYT: Irani nuk ishte në dijeni për sulmin e Hamasit ndaj Izraelit

Autori: Gazeta inFokus 19:19 | 11 October 2023

Shtetet e Bashkuara kanë mbledhur disa informacione të inteligjencës që tregon se zyrtarët e lartë iranianë u befasuan nga sulmi i Hamasit ndaj Izraelit të shtunën. Informacioni, i publikuar nga New York Times, vjen mes pyetjeve gjatë 24 orëve të fundit nëse Irani luajti një rol në planifikimin e sulmit.

Mediat amerikane flasin për zyrtarë kryesorë iranianë, të cilët nuk e dinin se do të ndodhte një sulm. Deri më sot, SHBA dhe Izraeli nuk kanë gjetur asnjë provë se Teherani ka ndihmuar drejtpërdrejt në planifikimin e sulmit.

Burimet amerikane nuk e zbuluan identitetin e zyrtarëve iranianë, por theksuan se sulmi i kapi në befasi. Megjithatë, zyrtarët amerikanë thanë se këta janë njerëz që zakonisht janë të njohur me operacionet që përfshijnë Kuds Force, krahu paraushtarak i qeverisë iraniane që mbështet dhe bashkëpunon me grupet paraushtarake. Kuds është një nga pesë degët e Korpusit të Gardës Revolucionare Islamike të Iranit që specializohet në operacione luftarake jokonvencionale dhe spiunazhi ushtarak.

-Advertisement-

Shtetet e Bashkuara dhe aleatët e tyre monitorojnë rregullisht takimet ndërmjet liderëve të Kudsit dhe aleatëve të tyre, përfshirë Hamasin. Megjithatë, zyrtarët amerikanë thonë se nuk ka prova se këto takime janë përdorur për të planifikuar sulmin ndaj Izraelit. Ndërsa ata pranojnë se mund të ketë pasur takime të tjera për të cilat inteligjenca perëndimore nuk është në dijeni, ata deri më tani nuk kanë gjetur asnjë provë.

Megjithatë, Irani ka vite që furnizon Hamasin me një numër të madh armësh. Zyrtarët amerikanë thanë se kjo praktikë e bën Teheranin kryesisht bashkëpunëtor në sulm. Megjithatë, ata vënë në dukje se ofrimi i armëve është një nivel tjetër i përshkallëzimit në krahasim me përfshirjen e drejtpërdrejtë në sulm.

Të martën, një zyrtar i lartë i inteligjencës amerikane u tha anëtarëve të Kongresit se nuk kishte asnjë lidhje të drejtpërdrejtë midis Iranit dhe sulmit të Hamasit. Zyrtari dha pak detaje, por u tha ligjvënësve se agjencitë e inteligjencës amerikane kanë informacione që kundërshtojnë pretendimet se Irani ndihmoi në planifikimin e sulmit. /Abc news

Subscribe në YouTube: GAZETA INFOKUSI