Lajme

Nxënësit presin dëftesat, këshilltari i MAS: Nuk kemi!

Autori: Gazeta inFokus 15:41 | 06 July 2017

Vijon problemi me dëftesat e nxënësve të arsimit parauniversitar që kanë përfunduar vitin akademik 2016-2017.

Këto dëftesa duhet të ishin shpërndarë brenda muajit qershor, por kjo nuk u realizua. Shkak për këtë situatë të krijuar është bërë pezullimi i procesit të tenderimit.

Këshilltari i ministres së Arsimit, Ndriçim Mehmeti, thotë se procedura për tenderimin ka filluar shumë vonë, ndonëse ndalet edhe tek problematikat e lindur në këtë institucion.

-Advertisement-

“Ngërçi ka të bëjë me arsyen se është pezulluar tenderi sipas një urdhri në 19 maj për prokurimin e dëftesave dhe regjistrave. Agjencia e Prokurimit Publik ka parë që mund të ketë shkelje të rregullave, dhe për këtë kanë marrë parasysh vërejtët e subjekteve.

Por duhet të pranojnë se edhe procedura ka filluar shumë vonë, në 7 prill. Nevojiten 8.6 milionë leke për dëftesat dhe regjistrat. Në maj dëftesat duhet të ishin gati dhe të shpërndaheshin. Sikur nesër të shtypen ato duan kohën e saj fizike, të plotësohen dhe të shpërndahen nga mësuesit. Mësuesit nga e hëna marrin lejen deri më 22 gusht, 45 ditë. Mund të jetë për arsye objektive apo subjektive, por dëftesa në shkolla nuk ka”, shprehet Mehmeti për mediat.

Subscribe në YouTube: GAZETA INFOKUSI
Etiketa:
Hej, hej, hej, erdhi Black Friday me zbritje deri në 75% në Comodita Home
-Advertisement-

Të tjera

Fokusi

lajme