Lajme

Nxënësit nga Gjermania po ndërtojnë një park në fshatin Runik të Skenderajt

Autori: Gazeta inFokus 14:19 | 18 July 2023

Disa nxënës nga Gjimnazi Lichtenstern në Sachsenheim të Gjermanisë, po e ndërtojnë një park të lodrave për fëmijët dhe nxënësit e shkollës Shote Galica në fshatin Runik të Skenderajt.

Për këtë ka njoftuar, deputetja nga radhët e Partisë Demokratike të Kosovës, Ganimete Musliu, përmes një postimi në Facebook, ku ka thënë se një ide e tillë është propozuar nga Donarta Rama nxënëse e Gjimnazit Lichtenstern.

“Një grup nxënësish nga Gjimnazi Lichtenstern në Sachsenheim të Gjermanisë ne bashkëpunim me organizatën Kukuk Kulturë dhe në mbështetje të mësimdhënësve të tyre po qëndrojnë në Skenderaj, konkretisht në Runik ku po e ndërtojnë një park të lodrave për fëmijët dhe nxënësit e shkollës Shote Galica në Runik. Kjo ide është propozuar nga Donarta Rama nxënëse e Gjimnazit Lichtenstern. Donarta është nga Syrigana e Skenderajt dhe është jashtëzakonisht e lumtur për përkrahjen qe i dhanë shkolla dhe bashkëmoshataret e saj për ta realizuar këtë projekt në vendlindjen e saj.

-Advertisement-

Pata rastin ti shoh nga afër sa me vullnet, përkushtim disiplinë e kulturë punonin të gjithë pa dallim si nxënësit po ashtu edhe mësimdhënësit në këtë projekt”, ka shkruar deputetja Musliu./Gazeta Infokus/

Subscribe në YouTube: GAZETA INFOKUSI