Lajme

Nxënësit në rrezik nga çantat e rënda

Autori: Gazeta inFokus 07:55 | 02 December 2019

Çantat e rënda me libra që i bartin nxënësit e nivelit fillor në Kosovë po konsiderohen si rrezik që mund të sjellë pasoja për shëndetin e tyre. Për këtë arsye, prindërit dhe shoqëria civile po kërkojnë që Ministria e Arsimit, Shkencës dhe Teknologjisë (MASHT) të ndërmarrë veprime urgjente për ta parandaluar një gjë të tillë.

Ministri në largim i Arsimit, Shyqiri Bytyqi, dhe kabineti i tij tash një javë nuk janë përgjigjur në pyetjet e gazetës për hapat që kanë ndërmarrë për rregullimin e këtij problemi, dhe se çka parashohin në të ardhmen, shkruan sot “Koha Ditore”.

Arben Shala, prind i një 9-vjeçareje, është i shqetësuar që vajza e tij, nxënëse e klasës së katërt me peshë 27 kilogramë, detyrohet të bartë çantë që peshon 6.3 kilogramë. Si pasojë e kësaj, thotë se ka vërejtur disa probleme tek vajza, si dhimbje shpine, lodhje e stres, për çka do ta dërgojë për një vizitë në Ortopedi Pediatrike.

I shqetësuar me çantat e rënda të nxënësve është edhe Këshilli i Prindërve të Kosovës. Kryetari i këtij këshilli, Ymret Reshiti, ka deklaruar se ndonëse kohë më parë i kanë kërkuar ministrit të MASHT-it, Shyqiri Bytyqi, të ndërmarrë veprime konkrete për t’u parandaluar një rrezik i tillë, kjo, sipas tij, nuk është realizuar.

Të tjera