Koha që do zgjidhni për t’u martuar

Shumë nuse zgjedhin që të martohen në 3 mujorin e parë, për një arsye shumë të thjeshtë: sepse nuk ju duket barku. Por ne ju këshillojmë që të martoheni në tre mujorin e dytë. Lind pyetja përse? Ju këshillojmë këtë gjë sepse së pari në tre mujorin e parë rreziku i abortit është më i madh. Në atë periudhë ju duhet të jeni sa më të qeta, pa stres dhe duhet të pushoni shumë. Së dyti ngjyra e lëkurës suaj është më e plotë në tre mujorin e dytë.

Gjeni vendin e përsosur për ju
Nuset shtatzëna nuk janë të pazakonshme në vitin 2017, por është një fakt i trishtuar që disa kisha ende nuk pranojnë të zhvillohet ceremonia nëse nusja është shtatzënë. Nëse dëshironi të martoheni në kishë, diskutojeni këtë më parë me priftin, mos u përpiqni të fshihni shtatëzaninë tuaj, respektoni mendimin e tyre. Nëse jo mos u shqetësoni. Ka shumë vende ku ju mund të mbani ceremoninë tuaj: në kopshte, restorante elegante, në bregdet.

Blini këpucët në minutën e fundit
Mund t’ju duket jo shumë normale, por është e vërtetë. Këmbët kanë tendencë të enjten gjatë shtatëzanise. Nëse i blini shumë më herët, eksiston rreziku që të mos iu bien më.

Mos vendosni unaza
Ashtu si dhe këmbët, edhe duart enjten gjatë periudhës së shtatëzanisë. Të vendosësh unaza kur je një nuse shtatëzën nuk është një ide aspak e mirë

Ushqimi
Kjo është ndër gjërat kryesore që një nuse shtatzënë duhet të zgjedhë me shumë kujdes. Ndoshta ajo është dita më e lumtur e jetës suaj dhe nuk mendoni për gjëra të tjera, por në raste të tilla mbani parasysh pasojat. Zgjidhni një ushqim që do të jetë i lehtë për ju dhe siguroni që pjatës suaj të mos i mungojë asgjë nga pjata që kanë dasmorët, ose përndryshe do t’ju rrijë mendja aty. Ah shërbeni alkoolin në pritje nëse dëshironi, por mos harroni të sillni disa shishe verë pa alkool për veten tuaj.

Fustani
Më i rëndësishmi për një nuse. E ke parasysh atë fustanin ngusht pas trupi që të nxirrte në pah bustin e bukur? Harroje. Përpiqu të zgjedhësh një fustan të lirshëm, të lehtë dhe që ju bënë ju të ndiheni sa më reaht. Nuk është aspak një pamje e bukur një nuse që është gjatë gjithë kohës duke rregulluar fustanin, aq më tepër për ju që prisni një fëmijë. Përpiquni të mos zgjidhni materiale si taffeta dhe sateni pasi rrisin shanset e mbixehjes dhe sikur do t’ju “mbysin”.