Lajme

Nura: Ta përfaqësojmë sovranin

Autori: Gazeta inFokus 11:45 | 22 May 2017

Kandidatja për deputete nga rradhët e koalicionit PDK-AAK-NISMA, profesoresha e UP-së, regjizorja e njohur Elmaze Nura, pret që Kuvendi i ri të jetë më përfaqësues.

“Në zgjedhjet e 11 qershorit, për herë të parë kam nderin të jem kandidate për deputete të Kuvendit të Republikës së Kosovës. Falenderoj AAK-në dhe kryetarin e saj Ramush Haradinaj, kryeministrin e ardhshëm, për besimin që më kanë dhënë. Synimi im, është që të arrij të përfaqësoj sa më shumë zërin e sovranit, në parlament”, është shprehur ajo në një status në facebook.

“Duke qenë e vetëdijshme se përgjegjësitë qeverisëse së shpejti do të jenë në duart e koalicionit tonë që pritet t’i fitojë zgjedhjet, besoj se ky përfaqësim do të jetë i dinjitetshëm, efikas dhe i dobishëm jo vetëm për votuesit e mi, por për qytetarët në përgjithësi. Na priftë e mbara! Për një Kosovë më të mire, për të gjithë!”, ka thënë Elmaze Nura, e cila është anëtare e kryesisë së AAK-së, lideri i së cilës Ramush Haradinaj, është i nominuar për kryeministër të Kosovës./Infokusi.com

-Advertisement-

Subscribe në YouTube: GAZETA INFOKUSI
Etiketa:
E treta e verteta, shpallet fituesi I trete I Lojes Shperblyese se Artmotion?

Të tjera

Fokusi

lajme