Lajme

Numërohen mbi 66% e votave, PS 72 mandate

Autori: Gazeta inFokus 18:47 | 26 June 2017

Partia Socialiste është pranë një fitoreje historike, ku deri tani janë numëruar mbi 66% të votave. Teksa janë numëruar 3558 kuti, nga 5362 në total në të gjithë Shqipërinë, PS udhëheq me 47.86% të votave, e ndjekur nga PD me 28.33% të votave dhe LSI me 14.38% të votave.

Ndërsa PS sheh rritje të ndjeshme në vota në krahasim me 4 vite më parë, e kundërta ndodh me PD që është rrudhur në shifra në këto zgjedhje, shkruan Tch.

Por rritje në shifra nuk ka vetëm PS. Një rritje të ndjeshme ka edhe LSI që duket se do të ketë më tepër deputetë se në legjislaturën e lënë pas.

-Advertisement-

Ndërkohë që në Parlament duket se do të jetë edhe PDIU, edhe pse bazuar në numërimin e deritanishëm do të ketë më pak përfaqësues në Parlamentin e ardhshëm.

Bazuar tek numërimi deritanishëm, rezulton se projeksioni për ndarjen e mandateve është si më poshtë:

PS – 73 mandate

PD – 44 mandate

LSI – 18 mandate

PDIU – 4 mandate

PSD – 1 mandat.

Subscribe në YouTube: GAZETA INFOKUSI