Lajme

Numër i madh i studentëve të interesuar për konvikte

Autori: Gazeta inFokus 08:28 | 07 Shtator 2017

Qendra e Studentëve e Universitetit të Prishtinës, ka bërë përgatitjet për pranim të studentëve të rinj në konviktet dhe mensën e saj.

Drejtorit i Qendrës së Studentëve, Fatmir Sfishta deklaroi se nga hapja e aplikimit dje ka qenë një numër i “frikshëm”, pra shumë i madh i aplikuesve. “Pothuajse janë bërë përgatitjet, por derisa të vijnë studentët do të jenë gati plotësisht”, tha ai për televizionin publik.

Ai tha se kapaciteti i konvikteve për pranim të studentë në këtë vit, është rreth 4 mijë, duke përfshirë edhe konviktin numër tetë me 305 shtretër i cili pritet të përfundoj dhe të jetë në shfrytëzim në fund të tetorit, ku ka edhe salla rekreacioni që të jetë më atraktive për studentë.

-Advertisement-

Sipas tij, kriteret kryesore për aplikim edhe këtë vit të parapara me konkurs janë: nota mesatare, largësia nga kryeqyteti si dhe kategoritë e dala nga lufta.

“Si kusht primar është që të jetë student i rregullt i UP-së, që të jetë në largësi më shumë se 25 km nga kryeqyteti, nota mesatare luan rol vendimtar në rritjen e pikëve maksimale si dhe një numër i madh i kategorive që vinë nga shoqatat e luftës, fëmijët dëshmorëve, fëmijët e invalidëve të luftës, veteranët e luftës, fëmijët që kanë gjendje j të mirë sociale ekonomike në familjet e tyre kanë përparësi që të pranohen”, tha Sfishta.

Rezultatet nga ky konkurs, do të publikohen më 22 shtator 2017, në tabelat e konvikteve dhe faqen zyrtare të Qendrës së Studentëve, ndërsa afati për ushtrimin e ankesave online është prej 25 – 26 shtator 2017.

1.500 studentët të tjerë, të cilët nuk i plotësojnë kushtet për strehim në konvikte, do të fitojnë të drejtën për ushqim në mensë, ndërsa listat pritet të publikohen më 22 shtator në sallën “1 Tetori”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy