Lajme

Nuk u realizua në institucione, tash protestohet për tërheqjen e parave nga Trusti

Autori: Gazeta inFokus 11:44 | 24 May 2022

Qytetarët që po kërkojnë tërheqjen prej 30% të Trustit kanë paralajmëruar protestë për të enjten meqë kjo kërkesë nuk u realizua në institucione.

Në një grup në Facebook, “Pro tërheqjes 30% të Trustit”, i cili përbëhet nga mbi 26 mijë anëtarë, thirrja u bë që protesta të mbahet të enjten nga ora 12:00 para Kuvendit të Kosovës.

Organizatorët e protestës iu kanë bërë thirrje edhe bizneseve që të protestojnë dhe madje të lirojnë punëtorët për të dalë në rrugë dhe që atyre t’u mundësohet transporti.

-Advertisement-

“Të nderuar anëtarë, në cilësinë e organizatorëve të PROTESTËS “PRO TËRHQJES 30% TË TRUSTIT”!  Sot i ftojmë të gjitha bizneset nga mbarë Kosova që ta mbështesin PROTESTËN sepse pas qytetarëve, bizneset do të jenë përfitues nga tërheqja e mjeteve nga Trusti. Ftojmë bizneset që të ju japin pushim punëtorëve për të enjten në ora 12:00 dhe të organizojnë transportin e protestuesve”, ka shkruar në këtë grup publik Adnan Jashari.

Kësaj thirrje i është bashkuar edhe deputeti i PDK-së, Bekim Haxhiu, i cili së fundi ishte më i zëshmi për këtë çështje.

“Të enjten protestohet për Trustin, qytetarët kërkojnë tërheqjen deri në 30%”, ka shkruar Haxhiu në Facebook, duke e shpërndarë thirrjen për protestë.

Haxhiu iu ka bërë thirrje edhe kolegëve të tij deputetë që të votojnë pro tërheqjes së parave të Trustit, duke thënë se kjo është një kërkesë e qytetarëve.

Subscribe në YouTube: GAZETA INFOKUSI
Etiketa:
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

lajme