Lajme

Nuk respektohen masat kundër koronavirusit në Prizren, dhjetëra të arrestuar

Autori: Gazeta inFokus 21:57 | 04 April 2020

Qendra e qytetit të Prizrenit ka qenë e mbushur me qytetarë të cilët kanë dalë në shëtitje.

Konfirmimi i rasteve të para me Covid-19 në këtë komunë nuk u ka bërë shumë përshtypje qytetarëve që t’i shmangin daljet.

Që nga 19 marsi, kur qeveria mori vendim për kufizimin e lëvizjes në orët e caktuara, në Prizren policia ka ndaluar disa persona, për shkak se kishin thyer këtë kufizim.

-Advertisement-

Shaban Osmanollaj, zëdhënës i Policisë së Kosovës për Prizren ka thënë se gjatë kësaj kohe, Policia ka hasur edhe në persona, të cilët nuk kishin respektuar masën e vetizolimit, raporton KTV.

Por, kryetari i Komunës së Prizrenit, Mytaher Haskuka, thotë se inspektorati i kësaj komune gjatë gjithë kohës është në terren për të identifikuar rastet kur nuk është respektuar kufizimi.

Në Komunën e Prizrenit deri më tani janë konfirmuar tri raste me Covid-19.

Subscribe në YouTube: GAZETA INFOKUSI

Të tjera

Fokusi

lajme