Fun & Video

Nuk kishte vendosur maskën në rrugë, policët i vënë duart në fyt dhe e keqtrajtojnë 21-vjeçaren

Autori: Gazeta inFokus 14:10 | 13 August 2020

Për shkak të përhapjes së pandemisë së koronavirusit dhe rritjes së numrit të infektuarëve, shumë vende të botës e kanë bërë të detyrueshme vendosjen e maskës në fytyrë.

Njerëzit që nuk e vendosin marrin gjoba ose përballen me policinë. Së fundmi në Victoria të Australisë një vajzë 21-vjeçarë ishte duke ecur në rrugë pa maskë. Disa policë, duke bërë patrullimin e tyre rutinë, e panë atë dhe ndaluan.

Ata i kërkuan llogari pse nuk kishte vendosur maskë dhe të tregonte emrin dhe mbiemrin e saj. Vajza refuzoi t’i përgjigjej dhe t’i tregonte emrin, kështu policët u bënë agresivë e zunë atë për fyti dhe e mbështetën tek muri.

-Advertisement-

Vajza po bërtiste me të madhe: “Po më mbysni”. Arsyeja pse vajza nuk kishte vendosur maske ishte sepse nuk i lejohej për shkak të gjendjes së saj shëndetësore.

Policët u përpoqën ta arrestojnë atë duke përdorur dhunë pas rezistencën që tregoi. Madje vajza gjuajti me shkelmë edhe një police femër e cila iu afrua.

Pavarësisht rezistencës së vajzës, sjellja e policëve ishte çnjerëzore. Një person aty pranë që po filmonte ngjarjen, po i lutej ta linin të lirë vajzën sepse ajo nuk e ka mbajtur maskën për shkak të shëndetit dhe se nuk mund ta keqtrajtojnë vetëm për këtë arsye.

Vajza u arrestua dhe është akuzuar për rezistencë dhe sulm ndaj policisë. Ajo është në liri me kusht dhe do paraqitet në gjykatë së shpejti.

Subscribe në YouTube: GAZETA INFOKUSI
Etiketa:

Të tjera

Fokusi

fun-video