Sport

Nuk kanë fund problemet, Reali humbet Vinicius për dy muaj

Autori: Gazeta inFokus 15:15 | 06 March 2019

Sulmuesi brazilian është lënduar në ndeshjen e mbrëmshme ndaj Ajaxit. Një javë e zezë për Real Madridin.

Fillimisht dy humbjet radhazi nga Barcelona e më pas edhe eliminimin i turpshëm nga Liga e Kampionëve, ku u mundën në Santiago Bernabeu nga Ajaxi me rezultat 1-4.

Por problemet vazhdojnë për Los Blancos, që tani nuk do të mund të llogarisin në talentin brazilian Vinicius Junior, i cili mbrëmë u lëndua dhe u desh të largohej nga fusha qysh në minutën e 35-të.

-Advertisement-

Në një komunikatë nga klubi madrilen mësohet se Vinicius ka lënduar ligamentin e gjurit të djathtë.

Për këto lloj lëndimesh kërkohen deri në dy muaj kohë për t’u rikuperuar dhe kësisoj 18-vjeçari do të kthehet vetëm për ndeshjet e fundit të La Ligës.

Subscribe në YouTube: GAZETA INFOKUSI