Lajme

“Nuk është çështje e kokëfortësisë”, Donika Gërvalla fton opozitën “ti thërrasë mendjes”

Autori: Gazeta inFokus 10:26 | 25 April 2025

Zëvendëskryeministrja Donika Gërvalla ka konfirmuar se Lëvizja Vetëvendosje do ta propozojë sërish Albulena Haxhiun për kryetare të Kuvendit, duke e cilësuar atë si një personalitet me kontribut të madh për vendin, shkruan Gazeta Infokus.

Gërvalla kritikoi ashpër opozitën, duke e akuzuar për bllokimin e procesit të konstituimit të Kuvendit dhe refuzimin e vullnetit të qytetarëve.

“Nuk ka asnjë arsye që asnjë deputet, asnjë grup parlamentar, ta refuzojë votën për Albulena Haxhiun. Ajo është një personalitet i jashtëzakonshëm, me një angazhim të vazhdueshëm dhe të dëshmuar për vendin tonë. Prandaj, refuzimi i saj është i paarsyeshëm,” tha Gërvalla.

-Advertisement-

Sipas saj, problemi i opozitës nuk ka të bëjë me kandidaturën e Haxhiut, por me mospajtimin për ta pranuar fitoren e Vetëvendosjes në zgjedhje.

“Arsyetimi i vërtetë i partive opozitare është se nuk duan ta pranojnë fituesin e zgjedhjeve. Kryetari i Kuvendit nuk zgjidhet për të plotësuar dëshirat individuale të deputetëve, por propozohet nga partia fituese dhe votohet si i tillë,” theksoi ajo.

Subscribe në YouTube: GAZETA INFOKUSI
Etiketa:
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme