Lajme

Nuk dihet kur do të vazhdojë dialogu me Serbinë

Autori: Gazeta inFokus 15:11 | 30 April 2017

Ndalimi i liderit të Aleancës për Ardhmërinë e Kosovës, Ramush Haradinaj në Colmar të Francës me fletarrest të Serbisë kishte bërë që të pezullohet dialogu me Serbinë.

Por, tashmë kur Ramush Haradinaj është i lirë, ende nuk dihet se kur do të vazhdojë dialogu.

Ministria për Dialog, Edita Tahiri për thënë për KosovaPress, se vizita e Angeline Eichorst, drejtore në BE, ka shërbyer për të zhvilluar konsultat rreth kësaj çështje.

“Vizita e Angeline Eichorst, drejtore në BE ka shërbyer për të zhvilluar konsultat rreth kësaj çështje, se kur mund të vazhdojë ju njoftojmë. Tashmë pezullimi është hequr me lirimin e z.Haradinaj”, ka thënë ministrja Tahiri.

Kuvendi i Kosovës më 9 mars kishte miratuar  rezolutën me të cilën kërkohej pezullimi i dialogut me Serbinë, deri në lirimin e Ramush Haradinajt, i cili po mbahej nën masën e lirimit me kusht, në Colmar të Francës.

Rezoluta e propozuar nga Aleanca për Ardhmërinë e Kosovës ishte mbështetur nga të gjitha grupet parlamentare, në pushtet dhe opozitë, përveç Listës Serbe, e cila i bojkotonte punimet e Kuvendit të Kosovës.

Etiketa:
Formula 1 vjen në Artmotion më “i çmendur” se kurrë

Të tjera

Fokusi

lajme