Sport

Nora kompleton hat-trickun e medaljeve për Kosovën, e fiton të bronztën

Autori: Gazeta inFokus 17:32 | 11 January 2021

Nora Gjakova ka arritur të fitojë medaljen e bronztë në Mastersin e Dohas në Katar, duke e mposhtur xhudisten portugeze, Telma Monteiro. 4 minutat nuk mjaftuan për të caktuar fituesin, kurse Nora u tregua më e suksesshme në “Golden Score”.

Paraprakisht, Gjakova u mposht në gjysmëfinale nga japonezja Tsukasa Yoshida, duke mos e shfrytëzuar mundësinë që të luftojë për medalje të artë, duke u mposhtur me Ippon.

Nora rrethin e parë të kategorisë 57 kilogramë e kaloi pa luftë, ndërsa në të dytin e mundi xhudisten serbe, Marica Perisic, shkruan Gazeta Express.

-Advertisement-

E në rrethin e tretë ajo e mundi francezen Helene Receveaux, fitore e cila ia siguroi gjysmëfinalen.

Para Norës, Distria Krasniqi fitoi medaljen e artë, kurse Majlinda Kelmendi vulosi rikthimin e saj pas lëndimit duke e fituar të bronztën.

 

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

sport