Nobelisti Shechtman: Kërkoni ndihmë nga Izraeli për ta zhvilluar Kosovën
![](https://gazetainfokus.com/wp-content/uploads/2023/05/Dan-Shechtman-852x460.jpg)
Autori: Gazeta inFokus
07:22 | 05 May 2023
Fituesi i Çmimit Nobel në Kimi, dr. Dan Shechtman nga Izraeli, ka mbajtur sot fjalim në Bibliotekën Kombëtare, me temën “Pse në universitetet kosovare studentët duhet të mësojnë për teknologjinë, si dhe pse fëmijët në kopsht duhet të mësojnë për shkencën”.
Për dy orë, ai tregoi për përvojat e tij në fushën e arsimit dhe pikëpamjet se si arsimi dhe ndërmarrësia janë dy faktorët kryesorë të zhvillimit të shtetit.
Shechtman tha se universitetet duhet të fokusohen në krijimin e programeve dhe kushteve për teknologji dhe ndërmarrësi, pasi njerëzit e këtyre profileve mund të jenë shumë dobiprurës për ekonominë vendore, duke qenë se në të ardhmen, nga këta persona, krijohen shumë vende pune, me ç’rast përfiton shteti, raporton Klan Kosova.
Gjithashtu, ai tha se duhet të vihet në konsideratë fillimi i aplikimit të programeve shkencore për fëmijët në kopshte parashkollore, përmes ndërtimit të laboratorëve të posaçëm për këto mosha.
Mbi të gjitha, profesori nobelist theksoi rëndësinë e mësimdhënësve në një shtet, duke sugjeruar që Kosova duhet t’i dërgojë studentët e edukimit jashtë vendit për t’u shkolluar, e më pas të njëjtit të kthehen që ta zhvillojnë fushën e arsimit. Ai madje tha se Izraeli mund ta ndihmojë Kosovën në këtë sferë.
“Izraeli është i gatshëm të bashkëpunoje me secilin shtet në botë, në fusha të ndryshme. Krejt çka duhet të bëni është të flisni me ministrat tanë, mund ta bëni qysh tani, t’i thoni se duam ta zhvillojmë sistemin e edukimit, ose duam ta zhvillojmë sistemin e ndërmarrësisë, çka qeveria duhet të bëjë që të na ndihmojë ta zhvillojmë shtetin? Ne jemi me përvojë në këtë, dhe ne me kënaqësi do ta bënim”, tha ai në një prononcim për Klan Kosova.
Po ashtu, Shechtman tregoi se si Kosova duhet të zhvillojë politika që të mos ikin qytetarët nga vendi.
“Nuk mund t’i detyroni njerëzit të qëndrojnë këtu, duhet t’u krijoni kushte që ata duan të kthehen. Dhe jam i sigurt se njerëzit në Kosovë duan të jetojnë këtu, por duan standard më të lartë jetese, shërbime të mira, edukim të mirë. Nuk mund ta bëni për një ditë, merr kohë. Por baza është arsimi. Nëse krijoni numër të mirë të njerëzve të shkolluar, ata do ta ndërtojnë ekonominë, merr kohë po ata do ta ndërtojnë dhe dikur në të ardhmen, njerëzit kthehen. Pse? Sepse keni vende pune për ta, dhe kjo është pse arsimi dhe ndërmarrësia janë çelës për zhvillimin e Kosovës, dhe për këtë arsye unë e mbajta këtë ligjëratë sot”, tha ai.
Sipas tij, Kosova fillimisht duhet të fillojë ta praktikojë ndarjen e çmimeve kombëtare për shkencëtarët, teksa më vonë nuk e përjashton mundësinë që edhe ndonjë kosovar ta fitojë Nobelin.
“Para Nobelit, unë i kam marrë rreth 15 çmime tjera, disa kombëtare disa ndërkombëtare, Nobeli është i fundit që mund ta marrësh, s’ka diçka pas tij. Shteti duhet të japë çmime kombëtare në shkencë, t’i organizojë ceremoni atyre, njerëzit pastaj i shohin ato dhe thonë, sa bukur, ka shumë shkencëtarë të mirë, edhe unë do t’i shkolloj fëmijët që të bëhen si ata. Kosova duhet të fillojë të ketë çmime ndërkombëtare në shkencë, Nobeli vjen pastaj”, tha Shechtman.
Në ngjarje mori pjesë edhe ambasadorja e Izraelit në Kosova, Tamar Ziv, dhe konsulli i nderit i Republikës së Kosovës në Austri, David Ungar Klein, që e mundësoi vizitën e nobelistit në Prishtinë.
Dan Shechtman iu dha çmimi Nobel në Kimi për zbulimin e kuazikristaleve, duke e bërë atë një nga gjashtë izraelitët që e kanë fituar këtë çmim në këtë shkencë. I njëjti do të qëndrojë katër ditë në Kosovë, ku do të ketë aktivitete tjera me rëndësi.
![](https://gazetainfokus.com/wp-content/uploads/2023/11/FotoLajm.jpg)
Të tjera
-
Ramadani pyet: Si është e mundur që vila e Radojçiçit të ndërtohet në vitin 2021, kur ai s’kishte të drejtë të hynte legalisht n’Kosovë
Prokuroria Speciale e Kosovës ka ngritur aktakuzë për rastin e sulmit terrori...
-
I plagọsuri në rastin Capat – Sekiraqët lirohet nga Kardiokirurgjia
Njëri nga të plagosurit nga rasti Capat-Sekiraqët, është liruar sot nga spita...
-
Pezullimi i tenderit “Xhorxh Bush” në Prishtinë, reagon Mefi
Deputeti nga radhët e Vetëvendosjes Mefail Bajqinovci, ka reaguar lidhur me p...
-
Kastrati e quan Albulena Haxhiun “Miss non grata”: Po të ndiqej Radojçiq nuk do koordinohej as me Mimozën gjatë pushtetit tuaj
Deputeti i PDK’së, Ardian Kastrati derisa komentoi deklaratat e ministers së ...
-
Policia e dorëzon në Agjencinë e Arkivave materialin arkivor që e gjeti në komunat ilegale në Veri
Agjencia Shtetërore e Arkivave të Kosovës – ASHAK, ka publikuar pamje të mate...
-
Safet Gjici lë qelinë dhe përfundon në spital
Ish-kryetari i bashkisë së Kukësit, Safet Gjici ka lënë qelinë dhe është shtr...
-
Mblidhen 90 mijë euro për shërimin e Uvejs Fetahut, familja falenderon ata që ndihmuan, mbyllet aksioni
Është mbledhur shuma prej 90 mijë euro për shërimin e 8-vjeçarit, Uvejs Fetah...
-
Kurti njofton për 19 vendimet që u morën në mbledhjen e sotme të Qeverisë
Kryeministri i Kosovës, Albin Kurti ka njoftuar për vendimet që janë marrë so...
-
ZKM-ja jep detaje për takimin e Kurtit me Sekretarin e Shtetit gjerman të Nordrain Westfalias
Kryeministri i Kosovës, Albin Kurti ka mirëpritur Sekretarin e Shtetit gjerma...
-
Arrest shtëpiak ndaj katër serbëve të arrestuar për sụlmin e pjesëtarëve të Policisë së Kosovës
Gjykata Themelore në Mitrovicë ka vendosur masën e arrestit shtëpiak kundër k...
-
Molliqaj- Kurtit: Kryeministër jo i popullit, por i kapitalit!
Lideri i PSD’së, Dardan Molliqaj thotë se pikërisht në mandatin e kryeministr...
-
Kurti kujton fëmijët martirë të luftëṣ: Sakrifica e tyre na kujton çmimin e lartë të lirisë
Kryeministri i Kosovës, Albin Kurti, ka kujtuar Leotrim Ahmetin dhe Xufe Ahme...