Lajme

Njoftim i rëndësishëm: Mjetet që s’do lejohen të lëvizin gjatë verës në këto akse rrugore!

Autori: Gazeta inFokus 12:33 | 01 July 2017

Policia e Vlorës ka dale sot me nje njoftim te rendesishem per gjithe perdoruesit e rrugeve gjate ketij sezoni turistik.

Ne vijim të planit të masave për rritjen e parametrave të sigurisë rrugore në vend, gjatë sezonit turistik veror 2017, në bazë të udhëzimit “Mbi kufizimet në qarkullimin e mjeteve të rënda për transportin rrugor të mallrave”, nga Shërbimet e Policisë Rrugore pranë DVP Vlorë, janë marrë këto masa:

– Janë caktuar shërbime të policisë rrugore të planizuar për nevojat e trafikut gjatë sezonit veror 2017.

-Advertisement-

– Përparësi kanë pushuesit vendas dhe të huaj ku punonjësi i policisë duhet të tregojë kulturë, etikë, profesionalizëm në bazë të ligjit.

– Akset rrugore bregdetare do të mbahen nën vëshgim me patrullime të shpeshta me qëllim normalizimin e trafikut dhe ndërhyrjen në kohe sa më të shpejtë në rastet emergjente.

Policia bën me dije se deri në datën 30 Shtator 2017, gjatë fundjavës, duke filluar në oraret 09:00-14:00 e ditës së Shtunë dhe në oraret 12:00-00:00 e ditës së Diel, do të ndalohet (kufizohet) qarkullimi:

· I mjeteve rrugore të cilët transportojnë mallra me peshë të përgjithshme të autorizuar mbi 7.500 kg.

· I mjeteve rrugore me ngarkesë të pandashme me gjatësi më të madhe se 12 m.

· I mjeteve rrugore ose bujqësore që kanë shpejtësi më të vogël se 40 km/orë.

· I mjeteve rrugore që shërbejnë për kursantët e autoshkollave mesimore.

Segmentet rrugore ku nuk do të lejohet qarkullimi i këtyre mjeteve në oraret e përcaktuara më sipër, janë:

Vlorë – Zvërnec

Vlorë- Palas- Dhërmi- Vuno- Himarë- Qeparo- Borsh – Sarandë

Sarandë – Qafë Bot (PKK me Greqinë)

Sarandë – Butrint

Policia kërkon bashkëpunimin e qytetarëve dhe pushuesve që të vihen në dijni për këto masa me qëllim mbarëvajtjen me sukses dhe ruajtjet e rendit e të sigurisë rrugore gjatë gjithë sezonit turistik të këtij viti.

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme