Lajme

Njeriu që bëri thirrje për luftë në Kosovë, zgjidhet anëtar i komisionit të regjistrimit të popullsisë në komunë e Tivarit

Autori: Gazeta inFokus 09:37 | 23 October 2023

Lideri i një organizate radikale joqeveritare, i cili më 25 shtator bëri thirrje nga Kragujevaci që të “shkoni të mbroni Kosovën”, u zgjodh anëtar i komisionit të regjistrimit të popullsisë në komunë e Tivarit.

Kryetari i OJQ-së “Miholjski zbor” Zdravko Nishaviq, i njohur në opinion për pjesëmarrjen e tij në takimet që përfaqësojnë interesat e Kishës së Serbisë në Mal të Zi, me vendim të kryetarit të komunës Zheljko Komnenoviq është emëruar anëtar i komisionit të regjistrimit në komunën e Tivarit, ndonëse së fundi publikisht u bëri thirrje qytetarëve që të shkojnë të mbrojnë Kosovën.

Nishaviq, i cili përveç nënshtetësisë malazeze ka edhe nënshtetësi serbe, në një video-adresim të publikuar më 25 shtator në rrjetet sociale, në grupin “357- Serbia”, me urimin “Zoti në ndihmë vëllezër e motra”, ka bërë një foto para , siç ka thënë ai, komuna e Kragujevcit ku ndodhet reparti ushtarak i Ushtrisë Serbe dhe ka ftuar shokët e tij që të aplikojnë për të shkuar në Kosovë.

-Advertisement-

“Erdha të regjistrohem, të vihem në dispozicion nëse duhet, të shkoj në Kosovë. Ftoj të gjithë miqtë e mi, veteranët të kontaktojnë departamentin ushtarak dhe le ta bëjmë këtë dhe ta kthejmë në një thirrje virale. Sepse nënshkrimi për mbrojtjen e Kosovës është detyrë e jonë e shenjtë dhe diçka që duhet ta bëjë çdo serb. I ftoj të gjithë, bëni një video, shpërndajeni me miqtë tuaj, të mblidhemi, të tregojmë se Obiliqët ende jetojnë në mesin e serbëve”, tha Nishaviq.

Nishaviq është numri 70 në listën e kandidatëve të regjistruar për regjistrues të Komisionit Komunal të Tivatit.

OJQ-ja “Miholjski zbor” dhe OJQ-ja “Matica Boke-Tivat” së fundi iu drejtuan kryeministrit të ardhshëm të Malit të Zi Milojko Spajiq me rastin e regjistrimit të shpallur të popullsisë.

Ata kërkuan që përfaqësuesi të parandalojë thirrjet për bojkotimin e regjistrimit dhe “të dorëzojë ata që dyshojnë në rezultatet” te prokurorët kompetentë të shtetit. /Pobjeda

Subscribe në YouTube: GAZETA INFOKUSI