Lajme

Një vit nga aksidenti tragjik në Slavonski Brod ku vdiqën 10 persona

Autori: Gazeta inFokus 08:05 | 25 July 2022

10 persona humbën jetën dhe 45 të tjerë u lënduan.

Krejt kjo ndodhi një vit më parë në një vetaksident trafiku në autostradën te Slavonski Brod në Kroaci, kur devijoi nga rruga autobusi me targa të Kosovës.

Në autobus kishte 67 pasagjerë, përfshirë fëmijë dhe dy shoferë.

Autobusi ishte nisur nga Frankfurti i Gjermanisë drejt Prishtinës dhe i përkiste një kompanie nga Kosova. Ai ishte aksidentuar në autostradën A3 Zagreb – Lipovac.

Sipas mediave kroate, shoferët e autobusit nga Kosova që po bartte mërgimtarë nga Frankfurti për në Prishtinë kishin pushuar në Bregana për gjysmë ore para aksidentit. Aty ata ishin ndërruar dhe drejtimin e autobusit e kishte marrë shoferi tjetër. Supozohet se aksidenti është shkaktuar nga lodhja e shoferit.

Ndryshe, ky ishte aksidenti më i madh tragjik në rrugët e Kroacisë në 15 vjetët e fundit.

Etiketa:

Të tjera

Fokusi

lajme